Hibriyuhanen 6:2 - Manobo Western Bukidnon

² Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

Hibriyuhanen 6:2 교차 참조

Mateo 28:19

Umba, penhipanew kew en diyà te minsan hendei wey niw metukid te ebpesavut is langun he menge etew ziyà te langun he menge inged. Ne penurua niw he medsundan dan kedì. Pemewtismuwi niw sikandan wey metueni he nekidsevaha zan te Amey tew he Megbevayà, wey siak is Anak din, wey is Wag̵as he Mulin-ulin.

Mateo 3:14

Ne si Juan, kenà dutun egkesuat, ne ke sikandin te, “Iyan a zait he ebewtismuwan nu kenà te iyan ka ebpebewtismu kedì.”

Marcos 16:16

Ne sikan is edtuu kayi wey ebpebewtismu, ebeg̵ayan te untung he wazà pidtemanan. Ne sikan is kenà edtuu ne edhukuman te silut.

Marcos 7:4

Ne emun ebpekeulì dan he ebpuun te mirkadu ne ebpirikan dan edhunai te wahig is lawa zan ne human dan egkaan. Ne mezakel pa is neleyaman dan he tuluuwen iring te kebpenlùlù te menge inumà wey menge kuzen wey menge edtengelan he g̵alang.

Marcos 7:8

Is kesug̵uan te Megbevayà,” ke si Jesus, “midlipatan niw en, ne iyan niw edtumanen is imbilinbilin he vetasan he midhimuhimu zà te menge etew.”

Lucas 11:38

Ne naahà dutun te Perisiyu he migkaan si Jesus he wazè din lùlui is belad din. Ne utew sikandin neinuinu su nesupak ni Jesus is betasan te menge Perisiyu.

Lucas 12:50

Duen ibewtismu kedì he iyan is dekelà pa he menge kemeresayan he egkeulaula ku he wazè pa mengetuman. Henduen a te ed-utuk te langit taman te kenè ku pa heini egkeliyu.

Lucas 14:14

Ne emun iyan heini ulaula nu ne utew zekelà is kelipey nu su kenè dan ebpekesambey he ed-umbita kenikew ne kenè dan egkevelesan is meupiya he mid-ulaula nu kandan, ne iyan is Megbevayà ebales kenikew te utew meupiya he egkeulaula zutun keuzemà te kegkengevanhew te menge etew he memeupiya is ulaula.”

Lucas 3:16

Ne tenged kayi, migkag̵i si Juan diyà te kandan te langun te, “Duen ed-ilis kediey he utew lavew su minsan is kebpul-ut dà te menge sepatus din, kenè e pa zait he sulug̵uen din. Wahig is ibewtismu ku keniyu,” ke si Juan, “iyan, haazà is migkag̵i ku, ebewtismu zaan keniyu. Is edtuu, ne ebewtismuwan din te Wag̵as he Mulin-ulin. Ne is kenà edtuu, ne iyan din ibewtismu kandan is hapuy.

Juan 1:33

Ne hein aney zutun,” ke si Juan, “wazè ku pa metueni he iyan sikandin kes netagnà he hadì, iyan, sikan is Megbevayà he iyan midsug̵ù kedì wey a mekepemewtismu pinaag̵i te wahig, migkag̵i kedì he zaan te, ‘Emun egkeehè nu is etew he edtenaan wey kenà ed-ewaan te Wag̵as he Mulin-ulin, iyan en etew he ibpemewtismu zin is Wag̵as he Mulin-ulin.’

Juan 5:29

ne egkengevanhew zan. Ne is nemekevaal mulà te meupiya, duen dan untung he wazà pidtemanan. Ne is nemekevaal te mezaat, egkengevanhew sikandan wey mesiluti.

Nengeulaula 10:47

Ne zutun migkag̵i si Pedro te, “Heini is menge etew he kenà menge Hudiyu, mibeg̵ayan daan sikandan te Wag̵as he Mulin-ulin iring te sikitew is menge Hudiyu. Ne tenged kayi kenà egkehimu he kenà sikandan egkebewtismuwan.”

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Nengeulaula 16:15

Mibpebewtismu sikandin wey is menge emurè din dutun te valey zin. Ne migkeg̵iyan key zin te, “Emun ed-isipen a keniyu he tutuu is kedtuu ku te Nengazen, diyè kew pemenahik te valey ku.” Ne wazè din mehimuwa zutun he wazè key mekezuma kandin.

Nengeulaula 16:33

Ne zutun te metaneb pa is kezukileman, migkuwa si Pablo wey si Silas dutun te ebantey te pirisuwan, ne mibpenlùluan din is menge palì dan ne zutun mibewtismuwan dan sikandin wey is tivuuk he pemilya zin.

Nengeulaula 17:18

Ne zuen dutun menge menunudlù te menge penurù dengan ni Ipikuranu wey ni Sinu. Mibpekidibati zan daan ki Pablo. Ne is duma zutun egkag̵i te, “Paglung heini he mepedelig̵en. Hengkey vuwa pezem is egkeg̵iyen din?” Ne is duma egkag̵i te, “Iyan buwa ibpesavut din is menge selakew pa he menge ziwata he edsimbahan diyà te meziyù he inged.” Umba egkekag̵i zan haazà su impesavut kandan ni Pablo is keag̵i ni Jesus wey is kegkevanhew zin.

Nengeulaula 2:38

Ne midtavak si Pedro te, “Kada sevaha keniyu, iniyug̵i zin is mezaat he ulaula zin ne mebpebewtismu wey metueni he ebpekidsevaha sikandin ki Jesu Kristu. Ne human egkepesaylu is menge salè din ne is Wag̵as he Mulin-ulin, ibeg̵ey kandin te Megbevayà.

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Nengeulaula 23:6

Ne naahà ni Pablo he menge Sedusiyu is duma zutun te nengetig̵um he menge ebmeg̵urangen, ne is duma, ne menge Perisiyu. Ne tenged dutun, mibpekezag̵ing is egkag̵i te, “Menge suled, Perisiyu a ne Perisiyu zaan is ginikanan ku. Iyan ketezengan ke maan is mid-uwit e zan dini te keniyu g̵untaan is: edtuu a he keuzemà ebenhawen te Megbevayà is menge minatey.”

Nengeulaula 24:15

Is edtuuwan kayi te menge etew, edtuuwan ku zaan su edtuu a he is Megbevayà, ebenhawen din keuzemà is langun he etew, se meupiya is ulaula zin se mezaat is ulaula zin.

Nengeulaula 24:21

Su wazè dan netuenan gawas te imbensag ku he menge lalag diyà te kandan he ke siak te, ‘Iyan dà igkesumbunga niw kedì guntaan is kebpeketuu ku he egkengevanhew keuzemà is menge minatey!’ ”

Nengeulaula 24:25

Ne zutun te kebpenurua ni Pablo te metazeng he ulaula, wey kebpurungi te ed-ul-ulahan wey is kebpeebuta te andew te kedsilut, nahandek si Felix ne ke sikandin te, “Ereg ki en dè pa. Ibpetawag ku sikew ke zuen ku timpu.”

Nengeulaula 26:8

Sikiyu is menge zuma ku he Hudiyu, maan is kenè kew ebpeketuu he ebenhawen keuzemà te Megbevayà is menge minatey?

Nengeulaula 4:2

Ne heini is menge punuan, neepesan dan is penurù eni Pedro te menge etew su impenurù ni Pedro he is kegkevanhew ni Jesus, iyan timaan he egkengevanhew keuzemà is menge etew.

Nengeulaula 6:6

Ne impeetuvang dan diyà te menge epustul haazà is nengepilì dan ne in-ampù sikandan te menge epustul ne midepenetan sikandan dutun te menge epustul su iyan haazà paag̵i te kebeg̵ayi kandan te keg̵ehem.

Ruma 2:16

Ne kenà heini egkelipatan te Megbevayà keuzemà te andew he zutun pinaag̵i ki Jesu Kristu edsusiyen din is minsan in-eles he menge isip te langun he menge etew. Iyan heini ibpenurù pinaag̵i kayi te Meupiya he Tudtulanen he idsangyew ku.

1 Kurintu 10:2

Ne heini is neulaula zan, ne iring te nebewtismuwan sikandan pinaag̵i zutun te g̵apun wey zag̵at su wey zan mekesundan ki Moises.

1 Kurintu 12:13

Ne sikitew is langun, Hudiyu se kenà Hudiyu, sulug̵uen se kenà sulug̵uen, ne pudu kiw mibewtismuwan te sevaha zà he Wag̵as he Mulin-ulin; ne pinaag̵i kayi nehimu kiw en he sevaha zà he lawa, ne mid-ulinan kiw pudu te sevaha zà he Wag̵as he Mulin-ulin.

2 Kurintu 5:10

Su is minsan hentei kenitew, kinahanglan he ziyà ed-etuvang keuzemà te ki Kristu su edsusiyen din is menge ulaula tew su wey mezawat te kada sevaha kenitew is suhul he zait te langun he mid-ulaula zin dini te kelibutan ke meupiya ve wey ke wazè din menge pulus.

Pilipus 3:21

Ne zutun te andew, ne edhelinen din en is memeg̵uyà he menge lawa tew ne edhimuwen din he iring te mekeg̵eg̵ehem he lawa zin. Ne kayi te kedhelina zin kenitew, egemiten din is dekelà he g̵ehem din he iyan ingkehimu zin he ebayàbayà te minsan hengkey.

Kulusas 2:12

Ne tenged kayi inleveng kew zuma kandin dutun te kebewtismuwi keniyu, ne nevanhew kew zaan duma kandin su nekidsevaha kew kandin tenged te midtuuwan niw he mekeg̵eg̵ehem is Megbevayà. Iyan sikandin sikan is mibanhew ki Kristu.

2 Timoteo 2:18

Midsuwayan dan en is kebpenurù te tutuu he tuluuwen ne pinaag̵i zutun nehugkà is kedtuu te zuma he menge tumutuu. Egkeg̵iyen dan he nepasad en is kebenhawa kenita.

Hibriyuhanen 11:35

Ne zuen daan menge vahi zengan he zekelà is kedtuu zan ne pinaag̵i kayi nevanhew is menge anak dan he minatey en. Ne zuen pa zaan menge tumutuu zengan te Megbevayà he midakep, ne minsan pa te midrasey sikandan taman te kebpatey, wazè dan medlekà te kedtuu zan su wey sikandan keuzemà egkevanhew zutun te tuwas pa he meupiya he untung.

Hibriyuhanen 9:10

Su heini he paag̵i te ked-ezapa te Megbevayà, ne pinaag̵i zà te menge sug̵ù mehitenged te vetasan te kegkaan, ked-inum, kebpenlùlù, wey kedhemesa te lawa he paag̵i he insug̵ù te Megbevayà. Menge sug̵ù heini he edtumanen te menge etew pinaag̵i zà te lawa wey tenged dà te insug̵ù ne kenà tenged te iyan diyà te g̵ehinawa zan. Ne is pulus kayi te paag̵i, ne taman dà heini kayi te timpu g̵untaan te ked-ilisi te Megbevayà kayi te veg̵u he paag̵i.

2 Pedro 3:7

Ne haazà is Lalag te Megbevayà he iyan inlimbag din dengan, pinaag̵i zutun midteg̵enahan din en is langit wey tanà su wey melimas din te hapuy keuzemà dutun te andew te kedsusiya zin wey kedsiluti zin te menge etew he wazè dan kedtahud kandin.