Hibriyuhanen 5:13 - Manobo Western Bukidnon

¹³ Emun deisek ki pa he vatà ne iyan dà egkezawat ta is gatas, he ke và dà egkeg̵iya, kenè te pa egketuenan is penurù mehitenged te metazeng he ulaula.

Hibriyuhanen 5:13 교차 참조

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Marcos 10:15

Benar is egkeg̵iyen ku keniyu he ke zuen etew he kenà iring is kedsarig din te Megbevayà te kedsarig te zeisey he vatà, ne kenà egkehedian haazà is etew te Megbevayà.”

Ruma 2:20

Kunaan niw ke iyan kew ebpekepenurù te menge etew he wazà mesayud te Megbevayà, ne kunaan niw zaan ke iyan kew ebpekepenudlù te menge etew he sikan pa mekeistudyu te hustu. Umba iyan heini ed-isipen niw su insarig keniyu te Megbevayà is kesug̵uan ne utew hustu is ketau wey utew tutuu is tuluuwen he ebpuun dutun.

1 Kurintu 13:11

Dengan te vatè e pa utew, ne wazè pa mehustu is pengisip ku, is kegkag̵i ku, wey is kegeg̵ehinawa ku su ulaula pa haazà te kengunguhezi. Ne g̵untaan te meg̵urang e en mid-engkezan ku en is menge zaan he ulaula te kengunguhezi.

1 Kurintu 14:20

Kinahanglan, menge suled, he kenà iring te ked-isip te menge vatà is ked-isipa niw kayi. Iyan dà ulaula te vatà he meupiya he ed-iringan, haazà is kenè dan kegketueni te ked-isip te mezaat. Iyan, kinahanglan he iring te ked-isip te meg̵urang is ked-isipa niw kayi.

1 Kurintu 3:1

Menge suled, hein diyan e pa te keniyu, wazè ku ikepenurù keniyu is mezalem he penurù iring te kebpenurua ku te menge etew he mid-ulinan te Wag̵as he Mulin-ulin su henduen kew te menge vatè pa te kedtuu ki Kristu wey menge etew he ebeyveyaan te suat dan.

2 Kurintu 3:9

Emun dekelà is gehem te kesug̵uan he iyan idsiluti te menusiyà, iyan pe be kenà dekelà pa utew is gehem te paag̵i he iyan ebpekehimu he mebmetazeng is menusiyà.

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

2 Timoteo 3:16

Impinted te Megbevayà is kedsurata te langun he insurat he menge lalag din, ne zekelà is tavang kenita kayi te lalag emun ebpenurù ki, emun edawey ki, wey ke edsambag ki te menge tumutuu wey emun ibpenurù ta is metazeng he ulaula.

1 Pedro 2:2

Ed-iring ki zuen te vatà he kemulu pa edsusu he layun egkesuat te g̵atas. Kinahanglan he layun ki ed-inum te g̵atas he iyan is wag̵as he Lalag te Megbevayà su wey layun mebmezesen is kedtuu ta taman te timpu keuzemà he edtulusen ki te Megbevayà.

2 Juan 1:11

Su minsan ke igalewg̵alew niw zà sikandin, egketevangan niw sikandin dutun te ulaula zin he mezaat.