Hibriyuhanen 4:16 - Manobo Western Bukidnon

¹⁶ Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.

Hibriyuhanen 4:16 교차 참조

Ipisu 2:18

Tenged te kebpekidsevaha tew ki Kristu, sikami is menge Hudiyu wey sikiyu is kenà menge Hudiyu, ebpekeuvey kiw en ziyà te Amey tew he Megbevayà pinaag̵i te kedtavang te Wag̵as he Mulin-ulin.

Ipisu 3:12

Ne g̵untaan tenged te kebpekidsevaha tew ki Jesus wey pinaag̵i te kedsarig tew kandin, egkehimu en he ebpekeetuvang kiw te Megbevayà pinaag̵i te ked-ampù ne wazè en igkeeled tew kandin.

Hibriyuhanen 13:6

Umba, menge suled, dekelà is kedsarig ta te Megbevayà ne ebpekekag̵i ki te, “Iyan edtavang kedì is Megbevayà, umba kenà a egkehandek te minsan hengkey he ed-ul-ulahan te etew zà duen dini te kediey.”

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Hibriyuhanen 7:19

su kenà egkehimu he ed-isipen kiw he metazeng pinaag̵i te kedtumana kayi. Ne tenged kayi, imbeg̵ey en kenitew te Megbevayà is meupiya pa he egkeserig̵an he paag̵i. Ne pinaag̵i kayi, egkehimu he pinaag̵i te ked-azap tew ebpekeetuvang kiw en te Megbevayà.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Hibriyuhanen 9:5

Ne insihung haazà is kavan dutun te zezuwa he ledawan te menge mekeg̵eg̵ehem he kedesenan he iyan tuus he zutun is Megbevayà. Mibekar zan is pakpak dan ne intezung dan dutun te vulawan he vangkù he zutun ebpelisa te Megbevayà is menge salà te menge etew. Ne kayi zà taman heini su kenè en egkehimu he id-amin ku te edseysey is langun kayi.

1 Pedro 2:10

Su zengan kenè kiw menge sakup te Megbevayà ne g̵untaan menge sakup kiw zin en. Dengan wazè tew hanew zutun te hizu te Megbevayà, iyan, guntaan impezayag din en kenitew.