Hibriyuhanen 4:1 - Manobo Western Bukidnon

¹ Ne minsan pa zutun, wazà iawà te Megbevayà is daan he penaad din he zuen menge etew he ebpekeseled dutun te inged din wey zan mekehimeley zuma kandin. Ne tenged kayi kinahanglan he ebpekeandam kiw su wey wazà minsan sevaha kenitew he kenà edtug̵utan te Megbevayà he mekeseled dutun.

Hibriyuhanen 4:1 교차 참조

Mateo 24:48

Iyan, kehizu zin ke iyan diyà te isip din is egkeug̵et pa ed-ulì haazà is egalen din,

Nengeulaula 3:19

Ne g̵untaan kinahanglan he ed-iniyug̵an tew en is memezaat he ulaula. Ed-empuan tew is Nengazen ne ebpeseyluwen kiw zin te menge salè tew. Ne zutun duen timpu he ebeg̵ayan is gehinawa tew te zesen he ziyà ebpuun te kandin.

Ruma 11:20

Ne venar iyan he iyan kew in-ilis, iyan, umba in-awà is menge Hudiyu te Megbevayà su wazè dan medtuu. Ne umba in-ilis kew kandan su midtuu kew mulà. Ne minsan pa te iyan heini, kenè niw isipa he iyan kew lavew, kekenà, tegteg̵ami niw is menge ulaula niw.

Ruma 3:23

Nekesalà is tivuuk he menusiyà ne utew en sikandan meziyù te ketulusan he ibeg̵ey te Megbevayà.

1 Kurintu 10:12

Ne tenged kayi, haazà is etew he egkeisip din he mezesen en is kedtuu zin, ne kinahanglan he purungi zin pa heg̵eta is kedtuu zin su kela ke mekesalà sikandin gihapun.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Gelasya 5:4

Is minsan hentei keniyu he kunaan din ke pinaag̵i te kedtumana te kesug̵uan is kebpeketezenga kandin te Megbevayà, nekesuwey en sikandin ki Kristu. Neewaan din en is gag̵ew te Megbevayà kandin.

2 Timoteo 2:13

Minsan ke kenè ki metinumanen te lalag din kenita, metinumanen mulà sikandin te lalag din su kenà egkehimu he kenè din edtumanen is lalag din.”

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

Hibriyuhanen 12:25

Umba, purung kew pemineg te Lalag te Megbevayà ne kenè kew sukul. Su is menge etew zengan he wazè dan pemineg̵a is Lalag te Megbevayà he insug̵ù kandan ni Moises dini te kelibutan, emun wazà sikandan mekelikey te silut te Megbevayà, iyan kew pe be mekelikey te silut emun kenè niw ebpemineg̵en is egkeg̵iyen din te ebpuun te langit.

Hibriyuhanen 13:7

Kenè niw lipati is menge egalen niw te nengehuna he timpu he nekepenurù keniyu te Lalag te Megbevayà. Isipa niw is meupiya he nehimu pinaag̵i te menge ulaula zan ne iring kandan hemeni niw is kedtuu niw ki Jesu Kristu.

Hibriyuhanen 3:11

Ne utew a nepauk ne migkag̵i ku he utew tutuu he kenè dan en ebpekeseled dutun te integ̵ana ku he inged wey zan mekehimeley zuma kediey.”

Hibriyuhanen 4:11

Umba, sikitew zaan, ebeelan tew is taman te egkehimu tew wey kiw zaan mekeseled dutun te edhimelayan he midteg̵ana te Megbevayà. Kenè tew ed-iringan haazà is menge etew zengan he wazà mebpemineg te Lalag te Megbevayà su wey wazà minsan sevaha kenitew he kenà ebmehimuwen he mekeseled dutun te edhimelayan.

Hibriyuhanen 4:9

Ne tenged kayi, sikitew is menge sakup te Megbevayà guntaan, nesavut tew en he egkehimu kiw he ebpekeseled wey kiw mekehimeley zuma te Megbevayà iring te midhimeley is Megbevayà dutun te ikepitu he andew.