Hibriyuhanen 3:13 - Manobo Western Bukidnon

¹³ Ne g̵untaan te kemulu pa egkehimu he egkekuwa is keluwasan he imbeg̵ey kenitew te Megbevayà, kinahanglan he ebpesemsembag̵è kiw su wey kiw kenà melimbungi pinaag̵i te salà he iyan is kenà kedtuu ne wey kenà mebmezesen is gehinawa tew.

Hibriyuhanen 3:13 교차 참조

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Ruma 7:11

Henduen be te mid-ekalan a te mezaat he ulaula su pinaag̵i te mezaat he ulaula ku he supak te kesug̵uan, human ku mesavut he nehukuman ed bes te kemetayen he wazè din pidtemanan.

Ipisu 4:22

Tenged kayi engkezi niw is menge isip te zaan he kegkeetew niw su nesakup heini te zaan he menge mezaat he ulaula niw. Ebpekezezaat keniyu heini pinaag̵i te ebpemekelimbung he kebayè din.

1 Tiselunika 2:11

Netuenan niw he is mid-ulaula zey ziyà te kada sevaha keniyu, ne meupiya su iring te ed-ul-ulahan te amey ziyà te menge anak din.

1 Tiselunika 4:18

Umba ipedlilipayè niw heini is egkeg̵iyen ku.

1 Tiselunika 5:11

Ne g̵eina te netuenan niw en heini peliplipayè kew ne lig-eni niw is kedtuu te uman sevaha keniyu, iring te neveelan niw en.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.

Hibriyuhanen 13:22

Menge suled, edhengyuan ku sikiyu he entusa niw is kebpemineg kayi te langun he menge lalag ku keniyu su kenà utew melug̵ayad heini is insurat ku.

Santiago 1:14

Egkepenulayan is etew emun ed-eg̵aken sikandin te mezaat he kebayè din.