Hibriyuhanen 2:4 - Manobo Western Bukidnon

⁴ Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.

Hibriyuhanen 2:4 교차 참조

Marcos 16:20

Ne zutun nemenhipanew is menge sumusundan te Nengazen he si Jesus ne impesavut dan is Meupiya he Tudtulanen diyà te minsan hendei. Ne is gehem te Megbevayà, mid-ug̵up kandan su nemekehimu zan te menge egkengein-inuwan su wey memeketuu is menge etew zutun te ibpesavut dan.

Marcos 6:14

Ne nezineg ni Hadì Hirudis is tudtul kayi te mid-ulaula eni Jesus su nevantug en si Jesus diyà te minsan hendei zutun. Ne zuen menge etew he migkag̵i te, “Heini si Jesus, ne iyan si Juan Megbebewtismu he nevanhew umba zuen din gehem wey zin meveeli is menge iring kayi he singyal.”

Juan 15:26

Ne mid-uman megkag̵i si Jesus te, “Is Menenavang he ebpuun te Amey ku, edsug̵uen ku zini te keniyu. Iyan sikandin sikan is Wag̵as he Mulin-ulin he ebpenurù te tutuu he edtuuwan. Ne emun ebpekeuma en dini te kelibutan, ibpesavut din ke hentei a.

Juan 4:48

Ne migkeg̵iyan ni Jesus haazà is etew te, “Kenè kew ves ebpeketuu kediey emun kenè kew ebpekeahà te menge egkengein-inuwan wey menge singyal.”

Nengeulaula 14:3

Ne malù netegteg̵aad is ked-ubpà te menge epustul, si Pablo wey si Bernabe, dutun te Ikunya. Wazè dan ikehandek is kedsengyawa zan te keag̵i te Nengazen. Ne midtuvazan sikandan te Nengazen su mibeg̵ayan din sikandan te g̵ehem wey zan ikepaahà is menge singyal wey egkein-inuwan he iyan timaan he tutuu is impenudtul zan he g̵ag̵ew te Nengazen.

Nengeulaula 4:10

ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà.

Nengeulaula 5:32

Ne sikami, ebpeketistig̵us key he nengeulaula heini is langun. Ne ebpirmahan daan heini te Wag̵as he Mulin-ulin su mibpeulinan kandin te Megbevayà is langun he edtuman te menge sug̵ù din.”

Ipisu 1:5

Ne tenged te utew zekelà is gag̵ew zin kenitew, dengan te wazè pa is kelibutan, mid-isip din he pinaag̵i ki Jesu Kristu edhimuwen kiw zin he menge anak din su iyan egkesuatan din wey tuyù din.

Ipisu 1:9

Ne impesavut din kenitew is daan he in-eles he edhimuwen din su iyan tuyù wey egkesuatan din. Ne mid-isip din he zaan he pinaag̵i ki Kristu

Ipisu 4:7

Sikitew is langun, mibeg̵ayan is kada sevaha kenitew te ketau sumalà is egkesuatan ni Kristu he ibeg̵ey kenitew.

Hibriyuhanen 6:4

Su penenglitan duen menge etew he neteyawan te Megbevayà is isip dan. Nesavut dan en ke hengkey is ibeg̵ey kenitew ziyà te langit, ne nekeambit dan en te g̵ehem te Wag̵as he Mulin-ulin, ne netuenan dan en is meupiya he impesavut te Megbevayà, ne neehè dan daan is egkehimu te g̵ehem he ibpaahà te Megbevayà keuzemà te ketepusan he timpu. Ne emun ed-iniyug̵an dan heini kenè en egkehimu he ibpelikù dan ibpeuman wey zan meiniyug̵i is mezaat he menge ulaula zan. Henduen be te in-uman dan iransang diyà te krus is Anak te Megbevayà ne edhimuwen dan he sumpelita sikandin te menge etew.