Hibriyuhanen 13:3 - Manobo Western Bukidnon

³ Kenè niw lipati is kedtavang niw te menge tumutuu he pirisu. Purungi niw sikandan he iring te iyan kew nepirisu. Tevangi niw zaan is menge tumutuu he ebpesipelahan he iring te iyan is keugelingen niw he lawa nepesipelahan.

Hibriyuhanen 13:3 교차 참조

Mateo 25:36

Hein wazè ku ugelingen mibeg̵ayan a keniyu; hein nezeruwan a, mid-elimahan a keniyu. Hein nepirisu a, midlauy a keniyu.’

Mateo 25:43

Wazè ku egkepemenehikan ne wazà a keniyu zewata ziyà te valey niw. Egkinahanglan a te ugelingen, iyan, wazà a keniyu meveg̵ayi. Nezeruwan a, ne ziyà a te pirisuan, iyan, wazà a keniyu leuya.’

Nengeulaula 24:23

Ne migkeg̵iyan din sikan is serhintu he kenè din engkezi te ebantey si Pablo asal kinahanglan daan he elimahi zin sikandin ne egkehimu he ebpenumbelayan si Pablo te menge emig̵u zin ne egkehimu zaan he edtevangan dan sikandin.

Nengeulaula 27:3

Ne hein nepawà, nekezunggù key ziyà te Sidun, ne si Julio, midtulengezan din si Pablo su midtug̵utan din he mekepenumbaley sikandin diyà te menge emig̵u zin dutun wey zan meveg̵ayi te egkinehenglanen din.

Ruma 12:15

Ke zuen etew he zuen din igkelipey, melipey kew zaan tenged dutun te kelipey zin. Ne ke zuen etew he zuen igkeseeng din, keseeng kew zaan tenged dutun te igkeseeng din.

1 Kurintu 12:26

Ne ke egkezeruwan is sengeparti te lawa ta ne egkesekitan is tivuuk he lawa ta. Ne iring din ded daan ke ebpurungan is sengeparti ne igkezeyzey te tivuuk he lawa ta.

Ipisu 4:1

Ne tenged kayi te langun, siak is pirisu tenged te midtuman ku is menge sugù te Nengazen, edhengyuan ku sikiyu he g̵eina te midhimu kew te Megbevayà he menge tumutuu zin, ul-ulaha niw is ulaula he zait he ed-ul-ulahan te tumutuu.

Kulusas 4:18

Siak si Pablo, ebpengemusta a keniyu. Tuus heini is kedsurata ku te ngazan ku he kediey he surat heini. Kenè niw lipati he pirisu a ne iampù a keniyu. Berakat he ikeg̵ag̵ew kew te Megbevayà.

Hibriyuhanen 10:34

Ne nehizuwan niw, ne midtevangan niw is menge tumutuu he nengepirisu. Ne minsan pa te mibpen-ileg te menge etew is langun he menge azen niw, midlipey kew gihapun su netuenan niw he zuen azen niw he utew pa meupiya ziyà te langit he kenà egkeileg diyà te keniyu te wazè din pidtemanan.

Hibriyuhanen 11:37

Duen daan mibpenhimetayan pinaag̵i te kedtulenga te vatu. Ne zuen pa zaan midliwazà tempeza, ne zuen pa zaan mibpenhimetayan pinaag̵i te tibas. Ne is duma pa, ne tenged te kenè dan ked-engkezi te kedtuu zan, ne iyan dà ugelingen dan is lundis te kerehidu wey kambing. Utew zan nengeayuayu. Mibpemesipelahan wey midlupig̵an sikandan te menge etew.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.