Hibriyuhanen 13:2 - Manobo Western Bukidnon

² Kenè niw lipati he kinahanglan he ibpeehè niw is gag̵ew niw ziyà te menge etew he kenè niw kilala. Gelg̵elawa niw ziyà te valey niw su zuen dengan menge etew he zuen menge meg̵eliyug dan, iyan, wazè dan metueni he menge velinsug̵uen bes haazà te Megbevayà he ebpuun diyà te langit.

Hibriyuhanen 13:2 교차 참조

Mateo 25:35

Su hein nevitil a, impekaan a keniyu; ne hein nemezahan a, impeinum a keniyu; minsan wazà a keniyu mekilala, midawat a keniyu ziyan te valey niw.

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 25:43

Wazè ku egkepemenehikan ne wazà a keniyu zewata ziyà te valey niw. Egkinahanglan a te ugelingen, iyan, wazà a keniyu meveg̵ayi. Nezeruwan a, ne ziyà a te pirisuan, iyan, wazà a keniyu leuya.’

Nengeulaula 16:15

Mibpebewtismu sikandin wey is menge emurè din dutun te valey zin. Ne migkeg̵iyan key zin te, “Emun ed-isipen a keniyu he tutuu is kedtuu ku te Nengazen, diyè kew pemenahik te valey ku.” Ne wazè din mehimuwa zutun he wazè key mekezuma kandin.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

Tito 1:8

Kinahanglan he meelima sikandin te menge meg̵eliyug din ne kinahanglan daan he iyan utew zin egkesuati is kedtevangi zin te menge etew. Metau sikandin he ed-isip te hustu. Metazeng sikandin he etew wey igkesuat te Megbevayà is menge ulaula zin. Metau zaan sikandin he ed-eg̵en te menge suat te lawa zin.

1 Pedro 4:9

Kinahanglan he utew kew metulanged is ebpepemenahik te menge humehulevungà diyan te valey niw.

3 Juan 1:5

Minahal ku he suled, utew ka velig̵eg̵awen su mibpurungan nu is menge suled tew he midtuluy ziyan minsan te sikan nu pa sikandan mekilala.