7 Umba, ke minsan hengkey is mereg̵en he egkeulaula niw g̵untaan, entusa niw, su pinaag̵i kayi ebpenuruen kew te Megbevayà su menge anak kew zin. Ne wazà anak he kenà ebmensuwen te amey zin.
Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”
Iyan, is Megbevayà, edsusiyen kiw zin guntaan is menge tumutuu ne edsilutan kiw zin su wey kiw mepenurù. Ne zutun kenè kiw zin en egkesilutan keuzemà ragkes te menge kelibutanen he etew he wazà medtuu kandin.
