Hibriyuhanen 12:5 - Manobo Western Bukidnon

⁵ Kela ke nelipatan niw en is sambag te Megbevayà diyà te keniyu te menge anak din su zuen insurat he Lalag te Megbevayà he edhenduen te, “Sikew, anak ku, emun edsewayen ku sikew, purungi nu susiya is menge ulaula nu. Ne emun ebmensuwen ku sikew kinahanglan he kenà heini igkeawà te kedhamen nu kedsarig kediey.

Hibriyuhanen 12:5 교차 참조

Lucas 24:6

Su si Jesus, ne wazè en kayi su nevanhew en. Tentenuzi niw ke hengkey is migkag̵i zin keniyu hein diyè kew pa te Geliliya

Lucas 24:8

Ne human metenuzi zutun te menge vahi haazà is migkag̵i ni Jesus.

1 Kurintu 11:32

Iyan, is Megbevayà, edsusiyen kiw zin guntaan is menge tumutuu ne edsilutan kiw zin su wey kiw mepenurù. Ne zutun kenè kiw zin en egkesilutan keuzemà ragkes te menge kelibutanen he etew he wazà medtuu kandin.

Gelasya 6:9

Umba kenè ki ebpepepeg̵ul te ked-ulaula te meupiya su emun ebpeniguduwan ta heini, egkeuma is timpu keuzemà he zuen idsuhul kenita te Megbevayà he utew meupiya.

1 Timoteo 1:20

Duma kayi si Himinyu wey si Alejandro. Impevayàbayè ku si Setanas kandan wey ikepenurù kandan he kenè dan sumpelita is Megbevayà.

Hibriyuhanen 12:7

Umba, ke minsan hengkey is mereg̵en he egkeulaula niw g̵untaan, entusa niw, su pinaag̵i kayi ebpenuruen kew te Megbevayà su menge anak kew zin. Ne wazà anak he kenà ebmensuwen te amey zin.

Hibriyuhanen 13:22

Menge suled, edhengyuan ku sikiyu he entusa niw is kebpemineg kayi te langun he menge lalag ku keniyu su kenà utew melug̵ayad heini is insurat ku.

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

Impezayag 3:19

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.