Hibriyuhanen 10:8 - Manobo Western Bukidnon

⁸ Midhunaan din te egkag̵i he kenà egkesuatan te Megbevayà is menge halad wey menge kebpemuhat he edtutungen wey is lengesa te menge ayam he ibpemalis te salà. Ne migkag̵i zin heini minsan pa te intelaan heini te kesug̵uan.

Hibriyuhanen 10:8 교차 참조

Marcos 12:33

Ne is kebmahala ta te Megbevayà he Nengazen diyà te g̵ehinawa ta, diyà te isip ta, diyà te kedsavut ta wey ziyà te tivuuk he ulaula ta, wey is kebmahala ta te zuma ta he iring en sikandin te keugelingen ta he g̵ehinawa, ne lavew pa heini kenà te langun he menge pemuhat he edtutungen wey menge halad.”

Ruma 8:3

Wazà tavang he egkekuwà ta pinaag̵i te kedtumana ta te kesug̵uan geina te wazè ta mehimu te edtuman, iyan, is Megbevayà mulà, ne iyan neketavang kenita. Su midsug̵ù din sikan is Anak din he si Jesus he nehimu he etew. Ne si Jesus, duen lawa zin he iring te lawa ta su wey zin meseg̵azi ziyà te lawa zin is silut te Megbevayà tenged te menge salè tew. Ne pinaag̵i te kedsiluti zin ki Jesus, in-awè din is gehem te mezaat he kebayè ta.

Hibriyuhanen 10:5

Ne egketuenan ta heini su zutun te timpu zengan he nekeuma si Kristu zini te kelibutan, migkag̵i sikandin diyà te Amey zin he Megbevayà te, “Kena iyan is menge ibpemuhat he ayam egkesuatan nu, kekenà, midlimbag nu is lawa he egkeg̵amit ku, ne iyan heini egkesuatan nu he ibpemuhat.