Hibriyuhanen 10:19 - Manobo Western Bukidnon

¹⁹ Ne, menge suled, tenged te mibpehimatey si Jesus ne impetig̵is is lengesa zin, wazè en kegkelenew ta te kedseled pinaag̵i te ked-ampù dutun te utew mahal he rug̵u he seled te kurtina.

Hibriyuhanen 10:19 교차 참조

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

Ipisu 2:18

Tenged te kebpekidsevaha tew ki Kristu, sikami is menge Hudiyu wey sikiyu is kenà menge Hudiyu, ebpekeuvey kiw en ziyà te Amey tew he Megbevayà pinaag̵i te kedtavang te Wag̵as he Mulin-ulin.

Ipisu 3:12

Ne g̵untaan tenged te kebpekidsevaha tew ki Jesus wey pinaag̵i te kedsarig tew kandin, egkehimu en he ebpekeetuvang kiw te Megbevayà pinaag̵i te ked-ampù ne wazè en igkeeled tew kandin.

2 Timoteo 1:7

Su is Mulin-ulin he impeulin kenita te Megbevayà, kenè ta igketalew, kekenà, edlig-enan ki zin wey ebeg̵ayan ki zin te zesen su wey mehimu he ebmahalen ta is menge zuma ta wey edtengkaan ta is langun he ed-ul-ulahan ta.

Hibriyuhanen 10:18

Ne zutun, geina te nengepesaylu zin en heini is langun, wazè en kinahanglan he zuen pa ibpemuhat he id-awà te menge salè ta.

Hibriyuhanen 10:35

Umba, menge suled, kenè niw engkezi is kedsarig niw su emun meheg̵et is kedsarig niw te Megbevayà, egkezawat niw is suhul zin he utew meupiya.

Hibriyuhanen 12:28

Umba, kinahanglan he zekelà is kebpeselemati tew kandin su iyan kiw menge sakup te g̵inhedian din he kenà egkehanew te wazè din pidtemanan. Kinahanglan he ed-azap kiw kandin te paag̵i he iyan egkesuatan din. Ne edtehuzan tew sikandin duma is kegkehandek;

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Hibriyuhanen 4:16

Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Hibriyuhanen 9:12

Ne kesevaha zà is kedseled din dutun te utew mahal he rug̵u te simbahan he ziyà te langit ne kenè en ed-uman. Ne wazà sikandin mekeseled dutun tenged te kebpelengesa zin te lengesa te menge ayam dà duen, iring te menge kambing wey menge nati he vaka, kekenà, nekeseled dutun tenged te impelengesa zin is kandin he lengesa. Ne tenged kayi te kebpemuhata te lawa zin, midhimu zin he wazà pidtemanan te kedlibriya zin kenita te silut.

Hibriyuhanen 9:3

Duen kurtina zutun te idselang te valey he terapal ne zuen daan kurtina he intaltal zutun te mid-elangan te zezuwa he rug̵u. Ne heini is ikezuwa he rug̵u ne iyan kes egngezanan te utew mahal he rug̵u.

1 Juan 4:17

Edheg̵etan din is kebmahala tew kandin dini te g̵ehinawa tew su wey wazè tew kehandek keuzemà dutun te andew te kedsusiya zin te nengeulaula te tivuuk he menusiyà. Umba kenè kiw egkehandek su iring te metazeng is menge ulaula ni Kristu, metazeng daan is kenitew he ulaula zini te kelibutan.