Hibriyuhanen 1:14 - Manobo Western Bukidnon

¹⁴ Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Hibriyuhanen 1:14 교차 참조

Mateo 1:20

Ne zutun te kemulu zin pa ed-isipa is iring kayi, mibpeteg̵einep kandin is belinsug̵uen te Nengazen. Ne ke sikandin te, “Sikew Jose, is kevuwazan ni Hadì David, kenè ka melenew he ebpengesawa ki Maria su meg̵ingey sikandin pinaag̵i te g̵ehem te Wag̵as he Mulin-ulin.

Mateo 13:41

su siak is Kakey te Menusiyà, edsug̵uen ku is menge velinsug̵uen ku ne id-awè dan puun te g̵inhedian ku is ebpemenuley wey is ebpemen-ulaula te mezaat.

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 2:13

Ne hein migenat en kes menge memimituen, mibpeteg̵einep en maan ki Jose is belinsug̵uen te Nengazen he egkag̵i te, “Enew kad, Jose. Ne uwita nu heeyan is batà wey iney zin ne pelag̵uy kew pehendiyà te Ihiptu. Ne zutun kew tag̵ad taman te kenè ku pa sikew egkeg̵iyan. Su ebpenahaan ni Hirudis heeyan is batà su edhimetayan din.”

Mateo 24:31

Ne zutun edsug̵uen ku is menge velinsug̵uen ku ziyà te heepat he pesag̵i kayi te kelibutan ne ibpezag̵ing is budyung ne edtig̵umen dan is menge pinilì ku he etew he ebpemuun diyà te minsan hendei kayi te tivuuk he kelibutan.

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Mateo 4:11

Ne zutun mid-awà si Setanas ne nekeuma is menge velinsug̵uen te Megbevayà ne imbeg̵ey zan ki Jesus is egkinehenglanen din.

Marcos 10:17

Ne zutun te edlaus en edhipanew ensi Jesus, nekesaut kandan is sevaha he maama ne midluhud haazà diyà te etuvangan ni Jesus. Ne ke sikandin te, “He Menunudlù, utew meupiya is menge ulaula nu. Hengkey is ed-ul-ulahan ku wey a meveg̵ayi te untung he wazà pidtemanan?”

Lucas 1:19

Ne midtavak haazà is belinsug̵uen te Megbevayà te, “Iyan a si Gabriel, sikan is sulug̵uen te Megbevayà he layun diyà te etuvangan din. Midsug̵ù e zin dini te kenikew wey ku ikepesavut heini is tudtul te utew meupiya he egkeulaula.

Lucas 1:23

Ne hein neuma is timpu he zutun egkeilisan si Zacarias te menge vaal zin dutun te simbahan, mid-ulì sikandin diyà te inged din.

Lucas 16:22

Ne wazà utew meug̵et dutun ne minatey haazà is ayuayu he si Lazaro ne mid-angey sikandin te menge velinsug̵uen te Megbevayà ne insavuk dan diyà te uvey ni Abraham te kepuun te menge Hudiyu. Ne zutun daan he timpu ne minatey zaan haazà is sepian he etew ne inleveng sikandin.

Lucas 2:13

Ne zutundutun mibpaahà daan is utew mezakel he menge velinsug̵uen te Megbevayà he ebpemendalig te Megbevayà,

Lucas 2:9

Ne netekew zan te mibpaahà kandan is belinsug̵uen te Nengazen ne neketayew ziyà te kandan is mekeg̵eg̵ehem he anlag te Megbevayà ne utew zan dutun nengehandek.

Nengeulaula 11:22

Heini is neulaula, nezineg te menge tumutuu he ziyà te Hiruselim ne midsug̵ù dan si Bernabe ziyà te Entiyukya.

Nengeulaula 12:23

Ne segugunà midlatun diyà te lawa zin is daru he insavuk te velinsug̵uen te Nengazen su ingkesuat ni Hirudis haazà is ked-ezapa kandin te menge etew, ne wazè din iyan ipaazap is Megbevayà. Ne midtegkayan is lawa zin ne wazà utew meug̵et ne minatey.

Nengeulaula 12:7

Ne netekewtekew te zuen mibpaahà kandin he velinsug̵uen te Nengazen ne zuen daan neketayew zutun te seled te pirisuwan. Ne migewezan dutun te velinsug̵uen si Pedro ziyà te kilid ne migunggel zin ne mibpukew zin. Ke sikandin te, “Enew ka gaanggaan.” Ne zutundutun naawà is menge kedina ziyà te menge velad ni Pedro.

Nengeulaula 13:2

Ne zutun te ked-azap dan te Nengazen wey kedsalang dan te egkaan su ed-ampù dan, duen impesavut te Wag̵as he Mulin-ulin kandan. Ke sikandin te, “Ipeveyveyai niw kedì si Bernabe wey si Seulu su wey zan meveeli is ibpeveelan ku kandan.”

Nengeulaula 16:26

Ne zutun midtik-ew medlinug te utew mezesen ne nepurung mehuyung haazà is pirisuwan. Ne segugunà nepuwas is menge lekeb dutun te pirisuwan ne nengetangtang is menge pusas te langun he menge pirisu.

Nengeulaula 27:23

Geina te mezukilem, is Megbevayà he iyan ed-ezapen ku, mibpaahà kedì is belinsug̵uen din,

Nengeulaula 5:19

Ne zutun te mezukilem, netekewtekew puwasi te velinsug̵uen te Nengazen haazà is pirisuwan ne impaawè din dutun is menge epustul

Ruma 11:14

su egkesuatan ku he meima is menge zuma ku he Hudiyu pinaag̵i te kedtevangi ku keniyu. Su kela ke pinaag̵i zutun duen duma kandan he edtuu ne egkelibri te idsilut te Megbevayà.

Ruma 13:6

Ne iyan daan heini ketezengan ke maan is ebayad ki te vuhis, su is menge upisyal, ne iring te iyan egalen dan is Megbevayà ke hustu is kedtumana zan te ebpeveelan kandan.

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

Ruma 15:27

Utew meupiya ziyà te g̵ehinawa zan is kebeg̵aya zan kayi te tavang, ne utew hustu zaan heini su zekelà is utang dan diyà te menge tumutuu he Hudiyu ziyà te Hiruselim su pinaag̵i te menge Hudiyu neuwit dini te kandan te kenà menge Hudiyu is Lalag te Megbevayà, ne tenged kayi hustu zaan ke zuen selapì he igketavang dan diyà te menge Hudiyu he egkengeayuayu.

Ruma 8:17

Ne g̵eina te anak ki zin, keuzemà egkezawat ta is langun he meupiya he impenaad din kenita, ne kenà duen dà taman, su is minsan hengkey he ibeg̵ey zin ki Kristu, ibeg̵ey zin daan kenita. Iyan, wey ki zà ebpekeambit te utew meupiya he kebpekesavuk ni Kristu ke ed-entusen ta is menge kemereg̵enan tenged te kedtuu ta, iring te si Jesu Kristu, nekeantus daan te kemereg̵enan.

1 Kurintu 1:21

Utew metau is Megbevayà; midhimu zin he kenà egketuenan te menge etew ke hentei sikandin pinaag̵i te kandan dà he ketau su midhimu zin he egkelibri sikandan pinaag̵i zà te kedtuu zan te Meupiya he Tudtulanen he ibpenurù ta he kunaan dan ke tarù he wazè din pulus.

2 Kurintu 9:12

Ne heini is ibeg̵ey niw, kenà iyan dà pulus din is kegketavangi te menge tumutuu te Megbevayà, kekenà, pinaag̵i kayi utew mezakel he etew is ebpeselamat te Megbevayà.

Gelasya 3:29

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

Gelasya 3:7

Ne sikiyu zaan, kinahanglan he sevuta niw he iyan ded heini g̵untaan kayi te kenitew su ke zuen etew he edtuu te Lalag te Megbevayà ne nehimu en sikandin he kevuwazan ni Abraham, he ke và dà egkeg̵iya, egkezawat din is impenaad te Megbevayà diyà te ki Abraham.

Gelasya 3:9

Ne midtuu si Abraham dutun te Lalag te Megbevayà, ne tenged dutun midtuvazan sikandin te Megbevayà; ne iring din ded daan ke edtuu is minsan hentei te Lalag te Megbevayà, edtuvazan daan sikandin te Megbevayà.

Ipisu 3:6

Ibpesavut ku keniyu heini is in-eles dengan he sikiyu is kenà menge Hudiyu, pinaag̵i te kedtuuwi niw te Meupiya he Tudtulanen, edtuvazan kew zaan te Megbevayà te langun he meupiya he idtuvad din te menge Hudiyu. Ne idragkes kew zaan dutun te lawa ni Kristu. Ne egkezawat niw is menge penaad te Megbevayà tenged te kebpekidsevaha niw ki Jesu Kristu.

Pilipus 2:17

Is kedtuu niw te Megbevayà, ne iring te pemuhat he edewaten din. Ne emun egkesuatan din pa he id-uman is kebpatey ku kayi te pemuhat, igkelipey ku pa. Ne igkelipey ku zaan is kedtuu niw iring te nelipey kew.

Pilipus 2:25

Ne elin daan kayi te isip ku he kinahanglan he ibpehendiyan ku is suled tew he si Ipepruditu, kes midsug̵ù niw pehendini wey e zin metevangi. Iyan sikandin duma ku wey timbang ku kayi te ebpeveelan kedì te Megbevayà.

2 Tiselunika 1:7

Ke ibpeg̵awag̵awa keuzemà is Nengazen tew he si Jesu Kristu he ebpuun te langit, id-awè din diyan te keniyu wey zini zaan te kenami is kemeresayan he egkeantus tew g̵untaan. Egkukumbalà sikandin te iring te regreg wey edumahan te menge mekeg̵eg̵ehem he menge velinsug̵uen din.

Tito 3:7

Umba mid-ulaula zin heini su wey tenged te g̵ag̵ew zin kenita meisip ki zin he metazeng ne maangken ta is untung he wazà pidtemanan he iyan ebperetengen ta.

Hibriyuhanen 10:11

Ne zutun te zaan he paag̵i te ked-azap, is menge memumuhat he Hudiyu, ne andew-andew ziyè dan te simbahan edhithitindeg is edterebahu su edtumanen dan is baal zan te kebpemuhat. Ne heini is menge kebpemuhat dan, ne kenà gihapun ebpekeawà te menge salà te menge etew.

Hibriyuhanen 2:3

Ne iring din ded daan, sikitew is menusiyà, kenè kiw zaan ebpekelikey te silut te Megbevayà emun ebey-anan tew, ne kenè tew edtumanen is impenurù kenitew mehitenged te mekeg̵eg̵ehem he kedlibriya zin kenitew te silut. Is nehuna he nekepenudtul kayi, ne iyan en is Nengazen tew he si Jesus. Ne is menge etew he nemekezineg kandin, edtistig̵usan dan dini te kenitew he tutuu heini.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Hibriyuhanen 6:12

Kinahanglan he kenè kew mebpetetapul, kekenà, iringi niw is menge etew he meinentusen he edtuu te Megbevayà su tenged kayi egkezawat dan is impenaad te Megbevayà.

Hibriyuhanen 6:17

Ne egkesuatan dengan te Megbevayà he mesavut te menge etew he mibpenaazan din he kenà duwazuwa he edtumanen din is penaad din kandan, ne tenged kayi midlig-enan din is penaad din.

Hibriyuhanen 8:6

Ne is baal ni Jesus te memumuhat, ne lavew pa utew he meupiya, kenà is baal te menge memumuhat dini te kelibutan. Ne iring din ded daan, meupiya pa utew is beg̵u he paag̵i he ed-ikulen din wey kiw mezawat te Megbevayà, kenà is daan he paag̵i. Su heini is beg̵u, ne nevig̵eran te tuwas pa he meupiya he penaad te Megbevayà.

Hibriyuhanen 9:28

Ne si Kristu zaan, kesevaha zà is kebpehimatey zin he iyan kebpemuhata zin te lawa zin wey zin maawà is menge salà te utew mezakel he menge etew. Ne ed-uman pa ebulus si Jesus dini te kelibutan, kenà te ked-ewaa zin te menge salè tew, kekenà, edhimesazen din is kedlibriya zin te langun he utew zekelà is perateng dan kandin.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.

1 Pedro 1:4

Ne elin daan egkeperateng tew is utew meupiya he idtuvad din kenitew. Integ̵ana zin en heini ziyà te langit ne zutun kenà egkeredak, kenà egkezeetan, ne kenà daan egkehanew.

1 Pedro 3:7

Sikita zaan is maama, kinahanglan he ebpurungan ta wey edtehuzen ta is esawa ta. Su minsan pa te meluya is lawa zan kenà is kenita, iring sikandan kenita su imbeg̵ey zaan kandan te Megbevayà is untung he wazà pidtemanan. Ne tenged kayi kinahanglan he edtehuzen ta sikandan su wey pemineg̵a te Megbevayà is kebpengampù ta.

Hudas 1:14

Si Inuk, sikan is ikepitu he lapis he kevuwazan ni Adan, netagnè din dengan haazà is menge etew su migkag̵i sikandin te, “Keuzemà ebpekeuma is Nengazen he edumahan te liblibuwen he menge velinsug̵uen din

Impezayag 5:6

Ne zutun duen neehè ku zutun te teliwazà te pinuuwà te edhadì wey te heepat he menge linimbag he kedesenan wey te menge ebmeg̵urangen. Iyan neehè ku zutun is: duen edhithitindeg he nati he kerehidu ne neehè ku zaan dutun te lawa zin is menge tulak te palì din te kedhimetayi kandin dengan. Pitu is sungey zin wey pitu zaan is mata zin he iyan is pitu he g̵ehem te Wag̵as he Mulin-ulin he edsug̵uen te Megbevayà he ibpeeneb din te tivuuk he kelibutan.