Gelasya 2:1 - Manobo Western Bukidnon

¹ Ne sepulù wey heepat pa he tuig dutun ne human a medlikù diyà te Hiruselim. Mibpezumehè key ki Bernabe ne miduma ku zaan si Tito.

Gelasya 2:1 교차 참조

Nengeulaula 11:25

Ne midhendiyà si Bernabe te Tarsu su ebpen-ahaan din si Seulu.

Nengeulaula 11:30

Ne mid-ulaula zan heini ne midsug̵ù dan si Bernabe wey si Seulu he iyan ibpahated te selapì diyà te menge ebmeg̵urangen te menge tumutuu ziyà te Hiruselim.

Nengeulaula 12:25

Ne mid-ulì si Bernabe wey si Seulu is ebpuun diyà te inged he Hiruselim hein neipus dan is mibpeveelan kandan, ne miduma zan daan si Juan, sikan is ed-umawen ki Marcos.

Nengeulaula 13:2

Ne zutun te ked-azap dan te Nengazen wey kedsalang dan te egkaan su ed-ampù dan, duen impesavut te Wag̵as he Mulin-ulin kandan. Ke sikandin te, “Ipeveyveyai niw kedì si Bernabe wey si Seulu su wey zan meveeli is ibpeveelan ku kandan.”

Nengeulaula 13:50

Ne is menge punuan dutun te inged he Entiyukya wey is menge vai he ed-azap te Megbevayà, midhimu sikandan te menge Hudiyu he mengepauk dan ki Pablo wey ki Bernabe. Ne midsegseg dan haazà is dezuwa zutun te inged.

Nengeulaula 14:12

Ne egkeg̵iyen dan he si Bernabe, iyan kes diwata zan he si Siyus, ne si Pablo, iyan kes diwata he si Hirmis su iyan metau zutun te zezuwa he ebpesavut.

Nengeulaula 15:25

Ne tenged kayi, netig̵um key zini ne neuyunan dey he edsug̵uen dey ziyan is ebpekepesavut keniyu. Eduma zan ki Pablo wey ki Bernabe he minahal he suled tew.

1 Kurintu 9:6

Ne egkehimu ve he iyan key zà ki Bernabe wazè din ketenged te kebuyù te igkeuyag dey ziyà te ebpekezawat te menge penurù dey?

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

2 Kurintu 8:16

Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

Gelasya 1:18

Ne tetelu pa zutun he tuig ne human a medhendiyà te inged he Hiruselim wey a mekepenumbaley ziyà te ki Pedro ne ziyà a te kandin taman dà te zezuwa he simana.

Gelasya 2:13

Ne iring din ded daan dutun is mid-ulaula te zuma he menge tumutuu he Hudiyu su midlikey zan daan, ne minsan si Bernabe, ne neuwit daan dutun.

Gelasya 2:3

Iyan, nesuatan dan ded is baal ku su si Tito, is duma ku, minsan te kenà sikandin Hudiyu, wazè dan iteg̵el is kedsirkunsidar kandin sumalà is insug̵ù ni Moises.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.

Kulusas 4:10

Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.