3 Juan 1:6 - Manobo Western Bukidnon

⁶ Mibpenudtul zan te menge tumutuu zini hein midtig̵um key he utew zekelà is gag̵ew nu kandan. Emun ed-uman dan edtuluy ziyan tevangi nu en maan sikandan te paag̵i he egkesuatan te Megbevayà wey zan mekelaus dutun te kedhipanew zan.

3 Juan 1:6 교차 참조

Nengeulaula 15:29

Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

Nengeulaula 15:3

Ne hein migenat dan, midtevangan sikandan te menge tumutuu. Ne ziyè dan mekevayà te prubinsya he Pinisya wey prubinsya he Semarya ne impenudtul zan te menge tumutuu zutun he nemeketuu en is mezakel he kenà menge Hudiyu. Mibpenudtul zan he mid-ewaan en te kenà menge Hudiyu is daan he tuluuwen dan wey zan mekesundan te Megbevayà. Ne hein nezineg haazà te menge tumutuu ziyà, nengelipey zan utew.

Nengeulaula 21:5

Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.

Ruma 15:24

egkeisip ku he g̵untaan human e en ebpekehendiyan te keniyu. Egkesuatan ku he mekehendiyà a te Ispanya, iyan, edtuluy a ziyan te keniyu. Ne emun egkeipus haazà is mevavà he kebpekiduma ku keniyu he igkelangan ku, ne egketevangan a keniyu zutun te kedhipanew ku.

2 Kurintu 1:16

su iyan pezem dini te isip ku is: edtuluy a ziyan ke edhendiyà a te Mesidunya ne emun ed-ulì a ne edtuluy e zed maan diyan te keniyu su wey a zaan metevangi keniyu zutun te kedhendiyè ku te prubinsya he Hudiya.

Pilipus 4:14

Ne minsan pa te iyan heini, utew kew metulanged su midtevangan a keniyu kayi te menge seeng ku he mezakel.

Kulusas 1:10

Su emun ebeelan din is iring kayi, ne human egkehimu is menge ulaula niw he zait he menge ulaula te menge etew he neg̵aked te Nengazen tew, ne egkehimu zaan he layun niw egkeveeli is egkesuatan din; layun niw egkeulaula is minsan hengkey he menge meupiya he ulaula. Ne layun daan ed-iseg is kegketueni niw te menge ulaula te Megbevayà.

1 Tiselunika 2:12

Midsembag̵an dey sikiyu; iyan key midlangan te g̵ehinawa niw ne midhengyuan dey sikiyu he med-ulaula kew te sungkad te egkesuatan te Megbevayà. Iyan sikandin midhimu keniyu he tumutuu wey kew zin mehedii wey kew tulusa.

Tito 3:13

Himuwa nu is taman te egkehimu nu wey nu metevangi is ebugadu he si Sinas wey si Epulus ke edhipanew zan. Susiya nu sikandan su wey wazà kurang dan.

1 Pedro 2:20

Iyan, kenè ki zait he edtuvazan te meupiya emun iyan igkeentusa ta te kedsiluti kenita is mezaat he ulaula ta. Iyan, ke ebpekeantus ki te merasey te wazà mezaat he mid-ulaula ta, edtuvazan ki te Megbevayà.

3 Juan 1:12

Nezelig̵an si Dimitriyu te langun he menge etew. Egkeehè dan pinaag̵i te menge ulaula zin he edtumanen din is tutuu he tuluuwen. Edelig̵en dey zaan sikandin ne netuenan nu he tutuu is egkeg̵iyen dey.