2 Tiselunika 3:6 - Manobo Western Bukidnon

⁶ Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.

2 Tiselunika 3:6 교차 참조

Mateo 18:17

Ne emun kenè pa sikandin ebpekidhusayà, tudtula nu ziyà te nengetig̵um he menge zuma niw he tumutuu. Ne emun kenè pa ebpekidhusayà dutun, isipa niw sikandin he iring te etew he kenà tumutuu te Megbevayà wey isipa niw zaan sikandin he iring te sevaha zuen te limbungan he menunukut te vuhis.

Ruma 16:17

Menge suled, edhengyuen ku keniyu he mebantey kew, ne likayi niw is menge etew he edsamuk te kebpekidsevaha niw wey kedtuu niw te menge tumutuu su edsupaken dan is tutuu he tuluuwen he impenurù keniyu.

1 Kurintu 11:2

Duen ed-ul-ulahan niw he layun ku egkeg̵iya he utew meupiya he iyan is: wazè a keniyu melipati ne is impenurù ku keniyu ne edtumanen niw layun.

1 Kurintu 5:4

Kinahanglan he edtig̵um kew ne emun netig̵um kew en ne iring ded te zuma a keniyu su ziyan te keniyu is isip ku ne idsug̵ù ku keniyu he pinaag̵i te keg̵ehem he imbeg̵ey te Nengazen tew he si Jesus

1 Kurintu 5:9

Duen te nehuna he surat he impeuwit ku keniyu, insug̵ù ku keniyu he kinahanglan he kenè kew mebpekiduma pa maan te menge etew he meremerik is ulaula.

2 Kurintu 2:10

Ne ke zuen etew he ebpeseyluwen niw, ebpeseyluwen ku zaan. Su penenglitan ke zuen nekesalà diyan wey ebpeseyluwen ku, netuenan ni Kristu he iyan ketezengan ke maan is ebpeseyluwen ku su wey mebmelinew is kedezepitè niw.

Ipisu 4:17

Tenged te sug̵ù a te Nengazen, ebpeketelteleenan ku sikiyu he engkezi niw en is menge mezaat he ulaula he iyan ed-ul-ulahan te menge etew he kenà edtuu te Nengazen wey wazà pulus te ed-isipen dan.

Kulusas 3:17

Ne minsan hengkey he egkeg̵iyen niw wey ed-ul-ulahan niw, kinahanglan he zait heini he ulaula te sulug̵uen te Nengazen tew he si Jesus. Ne kinahanglan daan he layun dekelà is kebpeselemati niw te Amey tew he Megbevayà pinaag̵i te kebpekidsevaha niw ki Jesus.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

1 Tiselunika 4:11

Ne kenà duen dà taman su iyan layun pen-ahaa niw is melinew he kebpekesavuk. Tegteg̵ami te uman sevaha is kandin dà he vaal. Medhag̵ù sikandin wey zin mekuwa is igkeuyag din. Daan heini he insug̵ù dey keniyu.

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

2 Tiselunika 2:15

Ne tenged kayi, menge suled, pekezesen kew te kedtuu niw, ne hemeni niw is langun he impenurù dey keniyu pinaag̵i te kedwali zey hein diyan key wey pinaag̵i zaan te kebpesurati zey keniyu.

2 Tiselunika 3:7

Netuenan niw en is egkeveelan niw wey kew mekeiring te ebeelan dey. Su hein diyan key te keniyu kenè key tepulen.

1 Timoteo 5:21

Edteleenan ku sikew he purungi nu tumana heini is insug̵ù ku kenikew. Iyan ebpeketistig̵us kayi is Megbevayà, si Jesu Kristu, wey is menge pinilì din he velinsug̵uen. Kinahanglan he te minsan hengkey he ed-ul-ulahan nu wazè nu zepig̵i he minsan hentei. Ke edhusey ka kinahanglan he iyan nu pemineg̵a kes ebpekevenar.

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.

2 Timoteo 3:5

Uvag sikandan ed-azap te Megbevayà, iyan, kenè dan edtuu he zuen gehem din. Likayi nu is menge etew he iring dutun.

2 Timoteo 4:1

Duen idtelaan ku kenikew, ne is Megbevayà wey si Jesu Kristu, iyan ebpeketistig̵us kayi te menge lalag ku. Netuenan ta he edlikù si Jesus su iyan sikandin hadì ne iyan sikandin edsusi keuzemà te nengeulaula te minsan hentei, se uuyag pa wey is nemematey en.

2 Juan 1:10

Ke zuen ebpekeuma he minsan hentei he ebpenurù te tuluuwen ne kenè din iyan ibpenurù is tutuu he tuluuwen he impenurù ni Kristu, kenè niw ipepemenahik diyan te valey niw. Kenè niw zaan igalewg̵alew sikandin.