2 Timoteo 4:14 - Manobo Western Bukidnon

¹⁴ Utew mezaat is mid-ulaula kedì ni Alejandro, sikan is pandey te tumbag̵a. Iyan ebales kandin is Nengazen.

2 Timoteo 4:14 교차 참조

Ruma 12:19

Kenè niw, menge minahal ku he suled, velesi is etew he ed-ulaula te mezaat diyà te keniyu, kekenà, pesegdana niw he iyan edsilut is Megbevayà su zuen insurat he Lalag te Megbevayà he edhenduen te, “Iyan a ebales; iyan a edsilut.”

Ruma 2:6

Su ibeg̵ey zin diyà te langun is dait he ibeg̵ey te kada etew sumalà is mid-ulaula zan.

2 Tiselunika 1:6

Metazeng is menge ulaula te Megbevayà ne edresayen din keuzemà is menge etew he midrasey keniyu g̵untaan.

1 Timoteo 1:20

Duma kayi si Himinyu wey si Alejandro. Impevayàbayè ku si Setanas kandan wey ikepenurù kandan he kenè dan sumpelita is Megbevayà.

2 Timoteo 4:15

Endami nu sikandin su utew mezesen is kedsumpelita zin te tuluuwen he ibpenurù ta.

1 Juan 5:16

Ke zuen minsan hentei he neehè din he nekesalà is duma zin, iyan, is rimeg̵as dutun te salà, ne kenà kemetayen, ne kinahanglan he iampù din ne is Megbevayà, ibeg̵ey zin is untung he wazà pidtemanan dutun te nekesalà. Iyan egkeg̵iyen ku kayi is etew he nekesalà he kenà kemetayen is rimeg̵as dutun te salè din. Duen salà he iyan rimeg̵as dutun is kemetayen. Kenè ku iyan egkeg̵iyen he id-ampù tew is etew he nekesalà te iring dutun.

Impezayag 18:20

Ne sikiyu is menge meg̵inged diyà te langit, lipey kew tenged te limas kayi te zekelà he inged. Lipey kew zaan is menge tumutuu wey menge epustul wey ebpeneuven te Megbevayà su midsilutan te Megbevayà haazà is inged tenged te menge pesipala zin keniyu!

Impezayag 18:6

Is mid-ulaula zin keniyu he pesipala, iyan daan ul-ulaha niw kandin asal kezezuwa niw tekepa is menge vales niw kandin. Teg̵ayi niw is tasa zin te pauk te Megbevayà he ibpeinum kandin he kezezuwa edtekepa is kebpekelangut din kenà te impeinum din keniyu.

Impezayag 6:10

Ne mibpekezag̵ing dan is edhangyù, ke sikandan te, “Sikew is mekeg̵eg̵ehem he Nengazen, wag̵as ka wey metinumanen ka! Sengemenu kelug̵ayad is kebpeketag̵ad dey taman te kenè nu pa ebelesan te silut is menge etew ziyà te kelibutan tenged te kedhimetayi zan kenami?”