Ne midtavak kandan si Jesus te, “Sikan is in-eles dengan mehitenged te kedhadì te Megbevayà, impesavut en keniyu te menge sumusundan ku, iyan, is duma he menge etew, id-eles heini kandan.
Egkemenumenu is hustu he kebpeketuu niw emun ebpengahaan niw te kada sevaha is kegkezelig̵i keniyu te menge zuma niw, ne is kegkezelig̵i pezem keniyu te sebsevaha zà he Megbevayà, kenè niw egkesuatan?
Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.
Dekelè pa is ibpesavut ku pezem keniyu mehitenged te kegkememumuhat ni Milkisidik wey ni Jesus, iyan, mereg̵en he edseysayen su kenè niw en egkesavut. Henduen be te kenè en ed-uteng diyà te isip niw.
