2 Kurintu 7:4 - Manobo Western Bukidnon

⁴ Utew zekelà is kedsarig ku keniyu; dekelà layun is kebpekezalig ku keniyu. Ne tenged kayi minsan pa te mezakel is menge seeng dey, meupiya g̵ihapun is g̵ehinawa ku; utew zekelà is kelipey ku tenged keniyu.

2 Kurintu 7:4 교차 참조

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

Ruma 5:3

Ne kenà duen dà taman su ebelesen te kelipey is menge kemereg̵enan he nengeseg̵azan ta su netuenan ta he pinaag̵i kayi edlumbazen ki wey ki mehimu he meinentusen.

1 Kurintu 1:4

Layun dekelà is kebpeselemati ku te Megbevayà tenged te g̵ag̵ew zin keniyu pinaag̵i te kebpekidsevaha niw ki Jesu Kristu.

2 Kurintu 1:14

haazà is wazè niw pa maamin mesavut mehitenged te ed-ul-ulahan dey su wey zutun te andew te kedlikù te Nengazen tew he si Jesus, mehimu he igkelipey key keniyu iring te igkelipey zey zaan sikiyu.

2 Kurintu 1:4

Edtevangan kiw zin te langun he menge seeng tew ne tenged kayi ebpeketavang kiw zaan te zuma he etew he zuen din minsan hengkey he seeng. Is idtavang tew kayi, ne iyan ded is intavang kenitew te Megbevayà.

2 Kurintu 10:8

Kenè en buwa kinahanglan he egkeg̵iyen ku keniyu he zuen kebayàbayà ku keniyu he imbeg̵ey kedì te Megbevayà. Iyan, ke henduen be te utew subra is idantal ku, kenè ku igkeeled heini su wazè din iyan iveg̵aya kayi te kebayàbayà dini te kediey su wey ku mezezeeti is kedtuu niw, kekenà, imbeg̵ey zin kediey su wey ku melig-eni is kedtuu niw.

2 Kurintu 11:21

Utew zan mevurut, iyan, sikami, telawen key ne egkeeled a su haazà is menge ulaula zan keniyu he kunaan niw ke utew meupiya, wazè dey meulaula ziyan te keniyu. Ne g̵eina te wazè dan en kegkehandek te edantal ne kenà a zaan egkehandek he edantal minsan ke ebpekeiring a te tulebung.

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

2 Kurintu 3:12

Ne g̵eina te ebpekesarig key he kenà heini egkeawà te minsan keenu kenè key egkehandek te kedsengyawa zey te Lalag te Megbevayà.

2 Kurintu 7:14

Indantal ku sikiyu ziyà te ki Tito ne wazà mebperis is kedentala ku keniyu. Layun tutuu is egkeg̵iyen dey keniyu ne iring din ded daan, benar is migkag̵i ku ziyà te ki Tito mehitenged keniyu.

2 Kurintu 8:24

Ipeehè niw kandan is gag̵ew niw su wey metueni te menge tumutuu ziyà te minsan hendei he inged he tutuu iyan is gag̵ew niw te menge zuma niw, ne zutun egketuenan dan he tutuu is migkag̵i zey he metinevangen kew.

Pilipus 1:14

Ne kenà duen dà taman su is kezekelan te menge zuma tew he tumutuu, ingkeheg̵et te kedsarig dan te Nengazen heini is kebpirisuwa kedì. Ne tenged kayi ed-iseg is sigudu zan te kedsengyawa te Lalag te Megbevayà ne kenè dan en egkehandek.

Pilipus 1:20

Ne utew ku egkesuati, wey idsarig ku ziyà te Megbevayà he layun ku metuman is ebpeveelan din kedì su wey a kenà meeled te minsan keenu he timpu lavew en guntaan. Egkesuatan ku he mezalig si Kristu tenged kedì pinaag̵i te kebpaawaa kedì kayi te pirisuwan ne emun kenà, ne mezalig si Kristu pinaag̵i te kebpatey ku.

Pilipus 1:26

Ne zutun, ke ebpekelikù ad diyan te keniyu egkehimu he iyan a igkeventug̵a niw ki Jesu Kristu.

Pilipus 2:17

Is kedtuu niw te Megbevayà, ne iring te pemuhat he edewaten din. Ne emun egkesuatan din pa he id-uman is kebpatey ku kayi te pemuhat, igkelipey ku pa. Ne igkelipey ku zaan is kedtuu niw iring te nelipey kew.

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

1 Tiselunika 2:19

Umba egkesuatan ku he ed-uman a ebpenumbaley ziyan su tenged keniyu utew meheg̵et is kebperetenga zey te kedlikù ni Jesus su iyan kew igkelipey zey. Tenged keniyu kenè key egkeeled keuzemà, kekenà, igkezantal zey is kedtuu niw emun ed-etuvang kiw ki Jesus dutun te kedlikù din.

1 Tiselunika 2:2

Su wazè niw melipati is nehitavù kenami ziyà te inged he Pilipus hein wazè key pa mekeuma ziyan te Tiselunika. Wazè key zan urami te kebpemug̵el wey te kebpeelimungawi. Ne minsan pa zutun, tenged te kedtavang te Megbevayà wazè key mahandek he ebpenudtul ziyan te keniyu te Meupiya he Tudtulanen he ebpuun diyà te kandin, iyan, nereg̵enan key utew.

2 Tiselunika 1:4

Ne tenged kayi emun ebpenumbelayan dey is menge tumutuu te Megbevayà diyà te minsan hendei he inged, ebentug̵en dey sikiyu tenged te kedsarig niw te Megbevayà wey tenged te kebmeinentusen niw te menge kemeresayan wey kemereg̵enan he egkeseg̵azan niw.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

Santiago 1:2

Menge suled, mebmelipayen kew emun merasey is egkeulaula niw tenged te idtug̵ut te Megbevayà he zuen ebarangbarang he penggezam te kedtuu niw kandin.