2 Kurintu 3:4 - Manobo Western Bukidnon

⁴ Umba egkekag̵i zey he iyan kew surat dey su pinaag̵i te kebpekidsevaha zey ki Kristu dekelà is kedsarig dey te Megbevayà.

2 Kurintu 3:4 교차 참조

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

Ipisu 3:12

Ne g̵untaan tenged te kebpekidsevaha tew ki Jesus wey pinaag̵i te kedsarig tew kandin, egkehimu en he ebpekeetuvang kiw te Megbevayà pinaag̵i te ked-ampù ne wazè en igkeeled tew kandin.

Pilipus 1:6

Dutun he timpu mibpuunan te Megbevayà is meupiya he vaal zin he edhimuwen din diyan te keniyu. Ne netuenan ku he ebpeniguduwan din pa heini edhimuwa taman te egkepasad din keuzemà te andew te kedlikù ni Kristu.

1 Tiselunika 1:8

Ebpuun diyan nekeeneb is Lalag te Nengazen, kenà diyan dà te prubinsya he Mesidunya wey ziyà te prubinsya he Gerisya, kekenà, is menge etew ziyà te minsan hendei, nezineg dan is tudtul mehitenged te kedtuu niw te Megbevayà. Wazè en kinahanglan he ibpenudtul zey pa ziyà te menge etew is kedtuu niw.