2 Kurintu 3:13 - Manobo Western Bukidnon

¹³ Ne kenè key iring ki Moises su wazè dey id-eles. Su si Moises, mid-elangan din is buked din wey kenà maahà te menge zuma zin he kevuwazan ni Israyil kes ed-anlag he g̵ehem he egkenaney en egkeawà.

2 Kurintu 3:13 교차 참조

Marcos 8:25

Ne zutun mid-umanan dempaa ni Jesus haazà is mata zutun te lakap. Ne zutun mibpurung mebpenlangulangu haazà is lakap ne egkemelmeleg̵an din en is menge etew te ed-ahà su mibmeupiye en is mata zin.

Ruma 10:4

Su midhimu ni Kristu he wazè en pulus te kedsarig te kedtuman te kesug̵uan su wey is minsan hentei, pinaag̵i zà te kedtuu ki Kristu, ebpeketezengen sikandin te Megbevayà.

2 Kurintu 3:7

Dutun te kedsurata zengan te Megbevayà te kesug̵uan, duen te menge edsuratan he vatu, neselikuvungan si Moises te ed-anlag he g̵ehem te Megbevayà. Ne zutun nenganlag is paras ni Moises tenged te g̵ehem te Megbevayà ne nekesirang te menge etew he kevuwazan ni Israyil. Ne minsan pa zutun te utew merayag haazà, naawà gihapun haazà is gehem. Iyan ibpesavut kenita pinaag̵i te kesug̵uan is: ebpatey is gimukud te menusiyà. Ne minsan pa zutun utew zekelà is gehem he impaahà te Megbevayà dutun te kedsurata zin kayi.

Kulusas 2:17

Su is menge iring dutun, ne nehimu zengan he alung dà. Ne ziyè pa te huziyan is teg̵ialung dutun he iyan si Kristu.