2 Kurintu 12:12 - Manobo Western Bukidnon

¹² Ne hein diyan a te keniyu impeehè ku keniyu he tutuu a he epustul ni Kristu su minsan nereg̵enan a, mid-antus a su wey ku ikepaahà is menge singyal wey menge egkengein-inuwan he iyan tuus te tutuu he epustul.

2 Kurintu 12:12 교차 참조

Juan 4:48

Ne migkeg̵iyan ni Jesus haazà is etew te, “Kenè kew ves ebpeketuu kediey emun kenè kew ebpekeahà te menge egkengein-inuwan wey menge singyal.”

1 Kurintu 14:18

Ebpeselematan ku te Megbevayà is kebpekekag̵i ku te kineg̵iyan he wazà duen egketau. Mezakel is kediey he kegemita kayi te ketau kenà is keniyu.

2 Kurintu 11:4

Umba egkeipeng a su ke zuen ebpekeuma ziyan he selakew is ibpesavut dan mehitenged ki Jesus, ne selakew is mulin-ulin he ibpenurù dan, ne kenè dan iyan ibpesavut is tutuu he tuluuwen he impesavut dey, kekenà, selakew is ibpenurù dan, ne ed-entusen niw mulà is kandan he kebpenurù ne kenà duen dà taman su utew niw egkesuati te ebpemineg.

2 Kurintu 11:6

su minsan ke kenà a metau he egkag̵i netuenan ku mulà ke hengkey is tutuu he tuluuwen. Ne iyan heini impesavut dey keniyu zengan te minsan keenu he timpu wey te minsan hengkey he paag̵i.

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.