2 Kurintu 11:32 - Manobo Western Bukidnon

³² Dengan, hein diyà a te inged he Demasku, is gubirnedur he intezù ni Hadì Eritas, midsug̵ù din is menge sundaru he ventayi zan is pultahan he idselang dutun te kutà te inged su wey e zan mezakep ke egawas a zutun.

2 Kurintu 11:32 교차 참조

Nengeulaula 9:10

Ne zutun te inged he Demasku, duen sumusundan ni Jesus he egngezanan ki Eneniyas. Ne mibpaahà kandin is Nengazen he si Jesus ne migkag̵i te, “He Eneniyas.” Ne midtavak si Eneniyas te, “Hei e zed.”

Nengeulaula 9:2

Ne tenged dutun midhendiyà sikandin te lavew he memumuhat ne midhangyù he pesurati zin is menge egalen te menge simbahan te menge Hudiyu ziyà te inged he Demasku; ne hengyua zin he itug̵ut dan ki Seulu is kedekepa te minsan hentei he egkeehè din, maama se vahi, he edsunud te paag̵i ni Jesus. Ne sikan is egkengezakep din, ebekusen ne ed-uwiten diyà te Hiruselim.

Nengeulaula 9:8

Ne mid-enew si Seulu ne hein migimerat, ne kenè en ebpekeahà ne mid-ag̵ak dan dà sikandin pehendiyà te Demasku.

2 Kurintu 11:26

Ne zutun te menge kedhipanew ku ne nengeeg̵iyan ku is mezakel he menge kemereg̵enan tenged te kedalem te wahig, wey tenged te menge tulisan, wey tenged te menge kuntada ku he menge zuma ku he Hudiyu wey menge kenà Hudiyu. Mezakel is menge hitavù kediey ziyà te menge inged wey ziyà te wazà meg̵inged wey ziyà te zag̵at wey pinaag̵i te menge tarù he tumutuu.