2 Kurintu 11:16 - Manobo Western Bukidnon

¹⁶ Edsublien ku te egkag̵i he kinahanglan he kenà isipa te minsan hentei keniyu he tulebung a tenged te menge lalag ku keniyu. Iyan, minsan ke ed-isipen niw he tulebung a, entusa niw te ebpemineg su wey a mekezantal te kenà utew egkeug̵et.

2 Kurintu 11:16 교차 참조

2 Kurintu 11:1

Pekelalaglalag kew he entusa niw is egkeg̵iyen ku keniyu minsan ke henduen be te tulebung a.

2 Kurintu 11:19

Ne g̵eina te menge uluwanen kew he etew, utew kew metau he ed-antus te menge lalag te tulebung diyà te keniyu.

2 Kurintu 12:1

Minsan pa te wazà pulus te kedantal ku, edantal e zed gihapun. Ne g̵untaan egkeg̵iyen ku keniyu is impezayag wey is impaahà kedì te Nengazen.

2 Kurintu 12:11

Henduen a te tulebung he etew su edantal a, iyan, neteg̵el a keniyu su iyan kew pezem ebeg̵ey te menge ketezengan ku he idtavak keniyan te menge uvag kun epustul ni Kristu. Ne minsan pa te wazà kediey he ketau wazà a g̵ihapun melevawi kayi te uvag menge utew lavew he kenà tutuu he epustul ni Kristu.

2 Kurintu 12:6

Ne penenglitan ke egkesuatan ku he edantal a, kenà egkehimu he egkeg̵iyen niw he wazà pulus te zantal ku su tutuu is idantal ku, iyan, kenà a edantal su kenè ku egkesuatan he isipa a te menge etew he utew lavew. Meupiya ke zutun dà ebpuun is ked-isipa zan kedì te menge ulaula ku he neehè dan wey menge penurù ku he nezineg dan.

2 Kurintu 5:13

Kunaan te zuma ke ebuneg̵en key, iyan, umba henduen key te ebuneg̵en su utew mezesen is kedtumana zey te ebpeveelan te Megbevayà. Iyan, ke ed-isipen niw he kenè key ebuneg̵en, netuenan niw he iyan ibpenigudu zey su wey kew mezeyzey.