1 Timoteo 6:13 - Manobo Western Bukidnon

^13-14 Ebpeketistig̵us is Megbevayà wey si Jesu Kristu he ebpeketelteleenan ku sikew he purungi nu tumana he wazà sayep is insug̵ù ku kenikew taman te kenè pa edlikù is Nengazen tew he si Jesu Kristu. Is Megbevayà, iyan ebpengelintau he meuyag is langun he menge linimbag din; ne si Jesus, iyan nekepenistig̵us mehitenged te tutuu he tuluuwen diyà te etuvangan ni Punsyu Pilatu.

1 Timoteo 6:13 교차 참조

Mateo 27:11

Ne zutun hein diyè en si Jesus te etuvangan te gubirnedur is ed-imbistigahan, mid-insà ki Jesus haazà is gubirnedur te, “Hadì ke ve te menge Hudiyu?” Ne midtavak si Jesus te, “Uya, iyan is migkag̵i nu.”

Mateo 27:2

Mibakus dan si Jesus te kedina ne inhated dan sikandin diyà te ki Pilatu he iyan gubirnedur zutun.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Juan 5:21

Is Amey ku, ebenhawen din is menge minatey ne ibeg̵ey zin kandan is untung. Ne siak is anak din, untung daan is ibeg̵ey ku ziyà te minsan hentei he ebpilien ku.

Juan 5:26

Mekeg̵eg̵ehem is Amey ku ne ebpekeveg̵ey te untung, ne siak daan is anak din, tenged te mibeg̵ayan e zin te g̵ehem, ebpekeveg̵ey ad daan te untung he wazà pidtemanan.

Nengeulaula 17:25

ne wazà minsan hengkey he egkeveelan te etew he egkinehenglanen din. Su iyan sikandin ebeg̵ey te g̵ehinawa wey untung wey is minsan hengkey ziyà te langun he menge etew.

2 Kurintu 9:13

Ne emun egketuenan te menge etew he utew kew metulanged, ebentug̵en dan is Megbevayà tenged te kedtumana niw te menge sug̵ù din wey tenged te mezesen he kedtuu niw te Meupiya he Tudtulanen su midtevangan niw sikandan ne midtevangan niw zaan is duma.

Gelasya 3:26

Ne g̵eina te iyan haazà, nehimu kew en pudu he menge anak te Megbevayà tenged dà te kedtuu niw ki Jesu Kristu.

1 Timoteo 1:12

Ebpeselematan ku is Nengazen tew he si Jesu Kristu su mibeg̵ayan e zin te zesen wey ku metuman heini is ebpeveelan din kedì. Mid-isip e zin he metinumanen ne tenged kayi intezù e zin he sulug̵uen din.

1 Timoteo 1:15

Duen erubasa he utew tutuu ne kinahanglan he tuuwi te minsan hentei; ne iyan is: “Midhendini si Jesu Kristu te kelibutan wey zin libriya te silut is menge mekesesalà.” Ne siak, iyan a tuwas he lalung te langun kandan.

1 Timoteo 2:5

Sebsevaha zà is Megbevayà, ne sebsevaha zà daan is datù diyà te teliwazà te Megbevayà wey menge etew, ne iyan datù tew is etew he si Jesu Kristu.

1 Timoteo 5:21

Edteleenan ku sikew he purungi nu tumana heini is insug̵ù ku kenikew. Iyan ebpeketistig̵us kayi is Megbevayà, si Jesu Kristu, wey is menge pinilì din he velinsug̵uen. Kinahanglan he te minsan hengkey he ed-ul-ulahan nu wazè nu zepig̵i he minsan hentei. Ke edhusey ka kinahanglan he iyan nu pemineg̵a kes ebpekevenar.

1 Timoteo 6:12

Penigudu ka he meupiya is kedlumbè nu, he ke và egkeg̵iya, is kedtumana nu te langun he ebpeveelan kenikew tenged te neketuu ka. Hemeni nu is untung he wazè din pidtemanan su umba midhimu ka te Megbevayà he tumutuu kandin su wey nu heini maangken. Nekepenudtul ka ziyà te mezakel he menge etew he neketuu ka te tutuu he tuluuwen.

Impezayag 21:6

Ne ke sikandin en maan te, “Netuman en heini is langun. Siak, iyan a kes alpa wey umiga, he ke và dà egkeg̵iya, kes puunà wey egkepengkusan te minsan hengkey. Ke zuen egkemezahan, ibpeinum ku sikandin diyà te serebseb he zutun ebpuun is wahig he ebpekeveg̵ey te untung he wazà pidtemanan ne kenè ku sikandin ibpevayad.

Impezayag 22:1

Ne, impaahà kediey zutun te velinsug̵uen is wahig he egngezanan te Wahig he Ebpekeveg̵ey te Untung. Ne haazà is wahig ne utew metingew iring te ispihu. Ne ziyà ebpuun haazà te pinuuwà te Megbevayà he iyan sikan is pinuuwà te nati he kerehidu.

Impezayag 3:14

Ne ke sikandin maan te, “Pesurati nu is belinsug̵uen te Megbevayà he ebantey te menge tumutuu ziyà te inged he Leudisiya, ne ke sikew te, ‘Siak si Jesus is egkag̵i; migeraran a te Metinumanen wey Egkeserig̵an su venar is egkeg̵iyen ku. Pinaag̵i kedì midlimbag te Megbevayà is minsan hengkey.