1 Kurintu 7:37 - Manobo Western Bukidnon

³⁷ Iyan, ke wazà mereg̵eni haazà is rag̵a ne maambe en ke kenè din ibpeesawa su zeyzey heini, asal, egkehimu zin is diyà te g̵ehinawa zin.

1 Kurintu 7:37 교차 참조

1 Kurintu 7:1

Ne idsurat ku is tavak ku zuen te menge insè niw zuen te surat niw. In-insè niw ke meupiya ve ke kenè ki ebpengesawa. Ne meupiya iyan ke kenè ki is maama ebpengesawa,

1 Kurintu 7:36

Ke zuen maama he zuen din anak he rag̵a he meg̵urang en ne egkereg̵enan haazà is rag̵a su wazà itug̵ut dutun te amey zin he ebpeesawa, ne zeyzey ke ibpeesawa zin emun iyan egkesuatan din su kenè man salà is iring dutun.

1 Kurintu 7:38

Meupiya ke ibpeesawa zin haazà is anak din, iyan, meupiya zaan ke kenè din ibpeesawa.

2 Kurintu 9:7

Kinahanglan he ed-isipen te kada sevaha ke hengkey is egkesuatan din he ibeg̵ey ne iyan ibeg̵ey zin. Kenè ta ibeg̵ey is kenè ta egkesuatan he ibeg̵ey, ne kenè ta zaan ibeg̵ey emun egkeisip ta he integ̵el kenita is kebeg̵aya ta, su emun ebeg̵ey ki, kinahanglan he ebpuun te keputian te atey ta is kebeg̵aya ta zutun ne iyan haazà utew egkesuatan te Megbevayà.

1 Pedro 5:2

Ne iyan idhangyù ku keniyu is: purungi niw elimahi is menge tumutuu he insarig keniyu te Megbevayà. Iring sikandan te menge kerehidu zin. Iyan kew edumala kandan, kenà iring te ebpeg̵esen kew, kekenà, kinahanglan he ebpuun te meliwanag he g̵ehinawa niw su iyan haazà egkesuatan te Megbevayà. Kinahanglan he kenà iyan dà id-elimahi niw kandan is tenged te edsuhulan kew zan, kekenà, tenged te egkesuat kew he edtavang kandan.