1 Kurintu 7:28 - Manobo Western Bukidnon

²⁸ Ne emun ebpengesawa is maama ne kenà daan salà haazà ne emun ebpeesawa is bahi ne iring din ded daan su kenè man salà. Iyan dà igkekeg̵iya ku he meupiya ke kenè kew ebpees-eseweey su emun ebpees-eseweey kew ne mereg̵en is egkeulaula niw zini te kelibutan ne egkesuatan ku pezem he kenè niw meseg̵azi is iring dutun.

1 Kurintu 7:28 교차 참조

Mateo 5:32

Ne iyan kedì he penurù is: emun ed-engkezan te maama is esawa zin he wazà sikandin is maama selselai zutun te esawa zin, heini he maama, ne ebpekesalà su pinaag̵i kayi ibpesavut din he nekesalà kandin is esawa zin. Ne ebpekesalà daan is maama he ebpengesawa zutun te vahi he mid-engkezan te esawa zin.

1 Kurintu 7:26

Iyan is: geina te utew mezakel is kemereg̵enan tew te menge tumutuu kayi te timpu, meupiya ke kenè kew ebpees-eseweey.

1 Kurintu 7:27

Ke zuen etew he wazè din esawa ne kenè din pen-ahaa is ed-esewaan din, iyan, ke zuen daan etew he zuen din en esawa ne kenè din engkezi.

1 Kurintu 7:29

Su ibpesavut ku keniyu, menge suled, he mevavè dà utew is timpu tew ne tenged kayi, puun guntaan is etew he zuen esawa zin, ne kinahanglan he tumana zin is ebpeveelan kandin te Nengazen he iring te wazè din esawa.

2 Kurintu 1:23

Siluti a te Megbevayà emun kenà tutuu is egkeg̵iyen ku. Netuenan din he iyan ketezengan ke maan is wazà a mekepenumbaley ziyan te Kurintu su wey kenè kew meseeng pinaag̵i te kedsusiya ku te menge ulaula niw.

Hibriyuhanen 13:4

Kinahanglan he tehuza niw te langun is ked-es-esawa niw. Kinahanglan he wazà minsan hentei he edselselaan din is esawa zin. Edsilutan te Megbevayà is etew he meremerik is ulaula zin wey is etew he edselselaan din is esawa zin.