1 Kurintu 4:3 - Manobo Western Bukidnon

³ Iyan, kenè ku igkesamuk ke hengkey is egkeg̵iyen niw wey ke hengkey is egkeg̵iyen te etew zà duen mehitenged te kedtumana ku te ebpeveelan kedì te Megbevayà su kenè kew iyan edsusi kedì. Kenè daan egkehimu he iyan a edsusi te vaal ku.

1 Kurintu 4:3 교차 참조

Juan 7:24

Kenè niw isipa he mezaat is ulaula te etew emun wazè niw pa mesusi, kekenà, susiya niw is ulaula zin su wey niw metueni is hustu.”

1 Kurintu 2:15

Ne sikan is etew he ziyà te kandin is Wag̵as he Mulin-ulin, egkesavut din mulà is pulus te minsan hengkey he ibpenurù te Wag̵as he Mulin-ulin. Iyan, haazà is etew he wazà diyà te kandin is Wag̵as he Mulin-ulin, kenà sikandin ebpekesavut ke hengkey is diyà te isip te menge etew he mibeg̵ayan te Wag̵as he Mulin-ulin.

1 Kurintu 3:13

Ne keuzemà dutun te andew te kedsusi te Nengazen te menusiyà, egezaman is baal te kada sevaha he tumutuu su wey metueni ke hustu ve wey ke kenà. Egezaman pinaag̵i te hapuy ne haazà is baal he iring te kayu wey karan wey ventung ne egkeawà. Ne haazà is baal he iring te vulawan, wey selapì, wey menge mahal he vatu, ne kenà mulà egkeawà.

1 Kurintu 4:2

Ne is sinerig̵an, ne kinahanglan he metinumanen sikandin te menge sug̵ù te egalen din.

1 Kurintu 4:4

Minsan te wazà egketuenan ku he sayep ku, egkehimu pa he zuen pa kurang te ebeelan ku su iyan metau is Megbevayà. Iyan sikandin edsusi te menge vaal ku.