1 Kurintu 16:15 - Manobo Western Bukidnon

¹⁵ Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

1 Kurintu 16:15 교차 참조

Nengeulaula 18:12

Ne hein iyan midhimu si Galyu he gubirnedur te prubinsya he Gerisya, midtig̵um is menge Hudiyu ne midakep dan si Pablo ne impeetuvang dan ki Galyu.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Ruma 15:25

Ne g̵untaan egenat ad su edhendiyà a zè pa te inged he Hiruselim su zuen idtavang he ibpehated kedì diyà te menge tumutuu te Megbevayà diyà.

Ruma 15:31

Iampù niw he kenà a mekeizi te menge etew he kenà tumutuu ziyà te inged he Hiruselim. Iampù niw zaan he ikelipey te menge tumutuu ziyà te Hiruselim heini is selapì he idhated ku kandan.

Ruma 16:2

Gelg̵elawa niw sikandin tenged te kedtuu zin te Nengazen tew su iyan heini ulaula he zait te menge tumutuu. Ne ke zuen menge keel-elangan din, ne tevangi niw sikandin su utew mezakel is midtevangan din daan he menge tumutuu ne midtevangan e zin daan.

Ruma 16:5

Ipengemusta a zaan te menge tumutuu he ziyà dà edtig̵umtig̵um te valey zan te ked-azap dan te Megbevayà. Ipengemusta a zaan ki Ipinitu he utew ku emig̵u. Nehuna sikandin he maama he neketuu ki Kristu ziyà te prubinsya he Asya.

1 Kurintu 1:16

Duen pe bes nebewtismuwan ku ziyan he iyan ensi Istipenas. Ne g̵awas dutun wazè ku en egketenuzan ke zuen pa nebewtismuwan ku ziyan te keniyu.

1 Kurintu 16:1

Ne zuen pa id-sug̵ù ku keniyu mehitenged te ked-emutè niw te selapì he idtavang niw te egkengeayuayu he menge zuma tew he tumutuu. Insug̵ù ku en daan heini te menge zuma tew ziyà te prubinsya he Gelasya.

1 Kurintu 16:17

Utew ad neg̵alew hein nekeuma si Istipenas, si Fortunato wey si Ekeyiku su henduen be te netembaran is utew ku kebulunga keniyu.

2 Kurintu 8:4

Su midhengyuan key zan he tug̵uti zey sikandan he mekeug̵up kenami te kebeg̵ey te tavang diyà te menge tumutuu ziyà te prubinsya he Hudiya.

2 Kurintu 9:1

Wazà kinahanglan he idsurat ku keniyu ke hengkey is hustu he ed-ul-ulahan niw te kedtavang te menge tumutuu he egkengeayuayu

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

1 Pedro 4:10

Is minsan hengkey he ketau he imbeg̵ey te Megbevayà diyà te kada sevaha keniyu, kinahanglan he g̵emita zin wey metevangi is menge zuma zin he tumutuu su wey hustu is kegemita niw te minsan hengkey he intavang keniyu te Megbevayà.

Impezayag 14:4

Iyan haazà he menge maama he wazè dan mekesalà pinaag̵i te kedhilavet te kenè dan esawa su utew lumpiyu is menge ulaula zan ne wazè dan suwayi sikan is nati he kerehidu te minsan hendei sikandin ebpevayà. Mibelukasan sikandan puun duen te perayan he iyan is tivuuk he menusiyà wey zan mehimu he iyan nepengilizan dutun wey ikeveg̵ey sikandan diyà te Megbevayà wey ziyà te nati he kerehidu.