1 Kurintu 16:1 - Manobo Western Bukidnon

¹ Ne zuen pa id-sug̵ù ku keniyu mehitenged te ked-emutè niw te selapì he idtavang niw te egkengeayuayu he menge zuma tew he tumutuu. Insug̵ù ku en daan heini te menge zuma tew ziyà te prubinsya he Gelasya.

1 Kurintu 16:1 교차 참조

Nengeulaula 11:28

Is sevaha zutun he migngezanan ki Egebu, ne mid-ulinan te Megbevayà, ne midhitindeg sikandin ne midtagnè din is utew zekelà he vitil he ebpekeeneb te tivuuk he kelibutan. (Ne nehitavù heini hein iyan pa hadì diyà te Ruma si Claudio.)

Nengeulaula 11:30

Ne mid-ulaula zan heini ne midsug̵ù dan si Bernabe wey si Seulu he iyan ibpahated te selapì diyà te menge ebmeg̵urangen te menge tumutuu ziyà te Hiruselim.

Nengeulaula 16:6

Ne ziyè dan mekevayà te menge inged he ziyà te Perigya wey Gelasya su wazà sikandan tug̵uti te Wag̵as he Mulin-ulin he ibpesavut dan is Lalag te Megbevayà diyà te prubinsya he Asya.

Nengeulaula 18:23

Ne hein malù sikandin neug̵et dutun ne midlaus en maan. Mid-eneb din is menge prubinsya he Perigya wey Gelasya ne midheg̵etan din is kedtuu te menge sumusundan ni Jesus dutun.

Nengeulaula 24:17

Umba midhendiyà a te Hiruselim su nepipire en he tuig is wazà a mekehendiyà. Midhendiyà a su wey ku ikehated is selapì he idtavang diyà te menge zuma ku he Hudiyu wey a zaan mekepemuhat diyà te Megbevayà.

Nengeulaula 9:13

Ne midtavak si Eneniyas te, “Nengazen, netuenan ku pinaag̵i te mezakel he etew is utew memezaat he mid-ulaula zin diyà te menge sumusundan nu ziyà te Hiruselim.

Nengeulaula 9:41

Ne migewezan ni Pedro is belad din ne impehitindeg din. Ne zutun mid-umew ni Pedro haazà is menge zuma zin he tumutuu he ragkes dutun is menge valu he vahi ne impeehè din kandan si Tebita.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

1 Kurintu 11:34

Ne ke zuen egkevitil, kinahanglan he ziyà sikandin mebpekehantey te valey zin su wey kenè kew mesiluti te Nengazen ke egkesupak niw is intelaan din mehitenged dutun te kedtig̵um niw. Ne zuen pa zuma he selembag̵an ku keniyu, ne wey ku en heini edseysaya ke ebpekeuma a ziyan.

1 Kurintu 16:15

Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

1 Kurintu 4:17

Umba, edsug̵uen ku ziyan te keniyu si Timoteo. Minahal ku sikandin he anak he utew metinumanen te menge sug̵ù te Nengazen. Ibpenurù din keniyu is menge ulaula ku, ne iyan heini meupiya he ed-ul-ulahan te tumutuu ki Kristu, ne iyan daan ibpenurù ku te menge tumutuu ziyà te minsan hendei he inged.

Gelasya 2:10

Iyan dan dà intelaan kenami is kedtevangi zey te menge tumutuu he egkengeayuayu ziyà te Hiruselim, iyan, daan ku en heini midheg̵et dini te g̵ehinawa ku.

Pilimun 1:5

su nezineg ku is tudtul mehitenged te mezesen he kedtuu nu te Nengazen tew he si Jesus wey mehitenged te kebmahala nu ziyà te g̵ehinawa nu te langun he menge tumutuu kandin.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

1 Juan 3:17

Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.