1 Kurintu 15:54 - Manobo Western Bukidnon

⁵⁴ Ne zutun, sikitew is duen din kemetayen, ne kenè kiw en human ebpatey ne egketuman en haazà is insurat he Lalag te Megbevayà he edhenduen te, “Nepurung en maawà is gehem te kemetayen.”

1 Kurintu 15:54 교차 참조

Lucas 20:36

Iyan dan kenà ibpees-eseweey su iring dan en te menge velinsug̵uen te Megbevayà ne kenè dan en ebpatey. Menge anak dan en te Megbevayà su nevanhew zan en.

Ruma 1:23

Su kenè dan ed-ezapen is tutuu he mekeg̵eg̵ehem he Megbevayà he wazè din kemetayen, kekenà, iyan dan ed-ezapen is menge ledawen he mibeelan dan he iring te menge etew he zuen din kemetayen wey iring te menge tagbis, wey ke menge langgam be, wey ke menge uled.

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

Ruma 6:12

Ne tenged kayi, menge suled, kenè te en idtug̵ut he iyan ebayàbayà te menge lawa ta he melemu ebpatey, is mezaat he kebayè dan. Su emun idtug̵ut ta heini, egkepezumdumahan ta is menge mezaat he suat te lawa ta.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

2 Kurintu 4:11

Su minsan keenu he timpu kenà egkeawà dini te kenami is kebpemiligru zey te menge etew he egkesuat he edhimatey kenami tenged te kedsengyawa zey te ngazan ni Jesus. Umba egkeulaula zini te kenami heini su wey metueni he uuyag en maan si Jesus su layun key zin edtevangan su wey key kenà mehimetayi.

2 Kurintu 5:4

Su sikita is tumutuu he uuyag pa zini te kelibutan, edlised ki su neveg̵atan ki kayi te menge kemereg̵enan he egkeantus kayi te kelibutanen he lawa ta, asal kenè ta iyan egkesuatan he meewai ta heini is lawa ta, kekenà, iyan egkesuatan ta is wey meveg̵ayi ki en pezem guntaan dutun te veg̵u he lawa he ebpuun diyà te langit, ne zutun egkeilisan is lawa he zuen din kemetayen te lawa he zuen din untung he wazà pidtemanan.

2 Tiselunika 1:10

Egkehitavù heini keuzemà dutun te andew te kedlikù din. Iyan idlikù din dini te kelibutan su wey mezalig sikandin te menge etew he mibpesakup kandin. Dutun, ne ebentug̵en sikandin te langun he menge tumutuu kandin wey sikiyu zaan su neketuu kew te impesavut dey keniyu.

Impezayag 20:14

Ne zutun, is langun he ebpuun te ed-ubpaan te menge minatey, in-agbur is lawa zan wey g̵imukud dan diyà te ranew he egkeregreg. (Ne haazà is ranew ne iyan kes ikezuwa he kemetayan.)

Impezayag 21:4

Ebpemunasen din en is menge luhà diyà te menge mata zan ne zutun wazè en maan ebpatey, ne wazè en maan ebpekesineg̵ew wey ebpekelelendag. Ne wazè en maan minsan hengkey he ibpekeantus su nahanew en man is nehuna he kelibutan.”