1 Kurintu 14:36 - Manobo Western Bukidnon

³⁶ Kunaan niw vuwa ke ziyan dà ebpuun is Lalag te Megbevayà te keniyu! Ne emun kenà, ne kela ke kunaan niw ke iyan kew zà nepenurù te Lalag te Megbevayà.

1 Kurintu 14:36 교차 참조

Nengeulaula 17:1

Diyè dan mekevayà te menge inged he Empipulis wey Epulunya ne nekeuma zan diyà te inged he Tiselunika. Ne zuen dutun simbahan te menge Hudiyu.

Nengeulaula 17:15

Sikan is menge maama he midhated ki Pablo, miduma zan kandin taman diyà te inged he Etinas. Ne zutun mid-ulì dan diyà te Biriya ne mibpenudtul zan ki Silas wey ki Timoteo he ibpeg̵aanggaan dan ibpetelukun ni Pablo.

1 Kurintu 14:35

Ke zuen id-insà te vahi ne kinahanglan he kenè din iinsà dutun te valey he edtig̵uman, kekenà, iinsè din te esawa zin emun nekeulì dan en. Su mekeeled-eled he ulaula is kegkag̵i te vahi zutun te kedtig̵um te menge tumutuu.

1 Kurintu 14:37

Ke zuen etew he ed-isipen din he zuen ketau zin he imbeg̵ey te Wag̵as he Mulin-ulin, ne emun kenà, ne zuen ibpekag̵i kandin te Megbevayà, ne kinahanglan he ventayi zin is ibpesavut ku keniyu kayi te surat su kenà dini zà te kediey ebpuun heini he menge sug̵ù, kekenà, diyà te Nengazen.

1 Kurintu 4:7

Kunaan niw vuwa ke lavew kew te menge zuma he tumutuu ki Kristu. Is dekelà he kedsavut niw, ne kunaan niw vuwa ke zaan heini ziyan te keniyu ne wazà iveg̵ey keniyu te Megbevayà! Su emun netuenan niw he imbeg̵ey zà heini keniyu, maan is idantal niw?

1 Tiselunika 1:8

Ebpuun diyan nekeeneb is Lalag te Nengazen, kenà diyan dà te prubinsya he Mesidunya wey ziyà te prubinsya he Gerisya, kekenà, is menge etew ziyà te minsan hendei, nezineg dan is tudtul mehitenged te kedtuu niw te Megbevayà. Wazè en kinahanglan he ibpenudtul zey pa ziyà te menge etew is kedtuu niw.