1 Kurintu 14:31 - Manobo Western Bukidnon

³¹ Egkehimu he egkag̵i kew is langun, asal, kenè kew mebperedredseey ne zutun egkepenurù wey egkesembag̵an is langun.

1 Kurintu 14:31 교차 참조

Ruma 1:12

Ne iyan ibpesavut ku is ebpein-iniyatè kiw te kedtuu.

1 Kurintu 14:19

Iyan, minsan pa zutun, emun diyà a te ketig̵uman te menge tumutuu, kenè ku egemiten su meupiya pa zutun is kegkeg̵iya ku te minsan lelima zà he lalag he egkesavut he ebpeketavang te menge zuma ku, kenà is kegkeg̵iya te liblibuwen he menge lalag he kenà egkesavut.

1 Kurintu 14:3

Iyan, ke zuen etew he edseysayen din is impesavut kandin te Megbevayà, menge zuma zin mulà is egkelelag̵an din ne ebpeketavang heini su egkeheg̵et is kedtuu zan, ne egkesembag̵an sikandan, wey egkelig-enan is kebpekeantus dan te mereg̵en.

1 Kurintu 14:30

Ne ke zuen ebpimpinuu zutun he ebpemineg ne ibpesavut kandin te Megbevayà is ibpekag̵i zin kandin, ne kinahanglan he ed-engked egkag̵i haazà is nehuna su wey mekekag̵i haazà is duma zin.

1 Kurintu 14:32

Su is etew he ebpeneuven te Megbevayà, egkehimu zin te ed-eg̵en is gehinawa zin su wey kenà sikandin mekeredsà dutun te egkag̵i he iring din he ebpeneuven daan te Megbevayà.

1 Kurintu 14:35

Ke zuen id-insà te vahi ne kinahanglan he kenè din iinsà dutun te valey he edtig̵uman, kekenà, iinsè din te esawa zin emun nekeulì dan en. Su mekeeled-eled he ulaula is kegkag̵i te vahi zutun te kedtig̵um te menge tumutuu.

2 Kurintu 1:4

Edtevangan kiw zin te langun he menge seeng tew ne tenged kayi ebpeketavang kiw zaan te zuma he etew he zuen din minsan hengkey he seeng. Is idtavang tew kayi, ne iyan ded is intavang kenitew te Megbevayà.

Ipisu 6:22

Umba edsug̵uen ku sikandin diyan su wey niw metueni ke hengkey is kebpekesavuk dey zini su wey meheg̵et is kebpekesarig niw te Megbevayà.

Kulusas 2:2

Iyan idhag̵ù ku su wey melig-eni is kedtuu niw te Megbevayà pinaag̵i te kegkeupakat niw wey pinaag̵i te kebmahala niw te uman sevaha keniyu. Egkesuatan ku he meheg̵et is kegkesavut niw te impenurù keniyu he iyan kes impezayag te Megbevayà keniyu mehitenged ki Kristu.

1 Tiselunika 4:18

Umba ipedlilipayè niw heini is egkeg̵iyen ku.

1 Tiselunika 5:11

Ne g̵eina te netuenan niw en heini peliplipayè kew ne lig-eni niw is kedtuu te uman sevaha keniyu, iring te neveelan niw en.

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

1 Tiselunika 5:20

Kenè niw pesegdana is menge lalag te mid-ulinan,