1 Kurintu 14:16 - Manobo Western Bukidnon

¹⁶ Ne penenglitan ke edalig kew te Megbevayà he ed-ulinan kew te Wag̵as he Mulin-ulin, iyan, kenà egkesavut haazà is egkeg̵iyen niw, is etew he sikan pa edsimba, kenà sikandin ebpekepeg̵umbenar zutun te egkeg̵iyen niw su kenè din egkesavut.

1 Kurintu 14:16 교차 참조

Mateo 15:36

Ne zutun migkuwa zin haazà is pitu he supas wey menge pait ne mibpeselamatan din te Megbevayà. Ne mibpenevìtevì din ne imbeg̵ey zin diyà te menge sumusundan din haazà ne intukid te menge sumusundan din ipemeg̵ey haazà diyà te menge etew.

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Marcos 16:20

Ne zutun nemenhipanew is menge sumusundan te Nengazen he si Jesus ne impesavut dan is Meupiya he Tudtulanen diyà te minsan hendei. Ne is gehem te Megbevayà, mid-ug̵up kandan su nemekehimu zan te menge egkengein-inuwan su wey memeketuu is menge etew zutun te ibpesavut dan.

Juan 21:25

Mezakel pa is mid-ulaula ni Jesus. Emun idsurat id-amin ne minsan is tivuuk he kelibutan, kenè pa ereg he egketeg̵uan te menge libru he edsuratan dutun.

Juan 7:15

Utew ingkeinuinu sikandin te menge punuan he menge Hudiyu, ne migkag̵i zan te, “Hendei vuwa ebpuun is ketau kayi he etew su kenè man metikang is netunghaan din?”

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

1 Kurintu 11:24

ne mibpeselematan din te Megbevayà, ne mibpenevìtevì din ne ke sikandin te, “Iyan heini lawa ku he ibpemuhat wey kew melibri te silut. Layun niw heini keena te iring kayi he paag̵i su wey a keniyu kenà melipati.”

1 Kurintu 14:14

Su emun edlelag̵an ku is Megbevayà te kineg̵iyan he kenè ku egketuenan, ne egkehimu he ed-ampù a pinaag̵i te Wag̵as he Mulin-ulin, iyan, wazà mekeseled diyà te isip ku haazà is egkeg̵iyen te vèbè ku.

1 Kurintu 14:2

Ne emun duen ebpintezan te kineg̵iyan he kenè din egketuenan, iyan din egkelelag̵an is Megbevayà ne kenè din iyan egkelelag̵an is menge zuma zin he etew su kenè dan egkesavut is egkeg̵iyen din. Haazà is egkeg̵iyen din, ne in-ulin kandin te Wag̵as he Mulin-ulin, iyan, in-eles haazà su wazà ebpekesavut.

1 Kurintu 16:24

Utew kew mahal zini te g̵ehinawa ku tenged te kedtuu tew ki Jesu Kristu. Iyan a si Pablo.

2 Kurintu 1:20

Su pinaag̵i kandin edtumanen is langun he menge penaad te Megbevayà. Ne tenged kayi ebpekekag̵i kiw he venar iyan he metinumanen sikandin ne tenged kayi egkezalig is Megbevayà.

Impezayag 22:20

Si Jesus he iyan ebpirma kayi te langun, ke sikandin te, “Benar iyan he meg̵aan e en ebpekeuma!” Ne ke siak te, “Uya, Jesus he Nengazen dey, hendini ke en!”

Impezayag 5:14

Ne zutun midtavak sikan is heepat he linimbag, ke sikandan te, “Metuman heini.” Ne zutun midlangkeb en maan haazà is menge ebmeg̵urangen ne mid-azap dan.

Impezayag 7:12

Ne migkag̵i zan te, “Benar iyan su zait is Megbevayè tew he edelig̵en wey ebentug̵en wey edtehuzen wey ebpeselematan su iyan dà sikandin lavew he metau, iyan sikandin mekeg̵eg̵ehem wey mezesen; delig̵a sikandin te wazà pidtemanan!”