1 Kurintu 14:14 - Manobo Western Bukidnon

¹⁴ Su emun edlelag̵an ku is Megbevayà te kineg̵iyan he kenè ku egketuenan, ne egkehimu he ed-ampù a pinaag̵i te Wag̵as he Mulin-ulin, iyan, wazà mekeseled diyà te isip ku haazà is egkeg̵iyen te vèbè ku.

1 Kurintu 14:14 교차 참조

1 Kurintu 14:13

Ne tenged kayi, is etew he ebpekekag̵i te kineg̵iyan he kenè din egketuenan, kinahanglan he iampù din he meveg̵ayi sikandin te ketau te kedluwas te egkeg̵iyen din.

1 Kurintu 14:19

Iyan, minsan pa zutun, emun diyà a te ketig̵uman te menge tumutuu, kenè ku egemiten su meupiya pa zutun is kegkeg̵iya ku te minsan lelima zà he lalag he egkesavut he ebpeketavang te menge zuma ku, kenà is kegkeg̵iya te liblibuwen he menge lalag he kenà egkesavut.

1 Kurintu 14:2

Ne emun duen ebpintezan te kineg̵iyan he kenè din egketuenan, iyan din egkelelag̵an is Megbevayà ne kenè din iyan egkelelag̵an is menge zuma zin he etew su kenè dan egkesavut is egkeg̵iyen din. Haazà is egkeg̵iyen din, ne in-ulin kandin te Wag̵as he Mulin-ulin, iyan, in-eles haazà su wazà ebpekesavut.