1 Kurintu 11:29 - Manobo Western Bukidnon

²⁹ Su ke wazè din isipa he alung te lawa wey lengesa ni Jesus haazà is ed-inumen din wey egkeenen din ne edsilutan sikandin te Megbevayà.

1 Kurintu 11:29 교차 참조

Lucas 7:34

Ne siak is Kakey te Menusiyà, wazà a medsalang megkaan ne mid-inum a mulà te vinu ne nengeinuinu kew ne migkag̵i niw he vuleg̵uk a wey pereinum te vinu. Ne ke sikiyu te emig̵u a te menge lalung he etew iring te menunukut te vuhis wey menge mesinupaken.

Ruma 13:2

Ne is menge etew he edsukul te gubirnu, ne iyan edsukulan dan is midtukud te Megbevayà ne tenged dutun edsilutan sikandan te Megbevayà.

1 Kurintu 11:24

ne mibpeselematan din te Megbevayà, ne mibpenevìtevì din ne ke sikandin te, “Iyan heini lawa ku he ibpemuhat wey kew melibri te silut. Layun niw heini keena te iring kayi he paag̵i su wey a keniyu kenà melipati.”

1 Kurintu 11:27

Ne ke zuen egkaan kayi te supas te Nengazen ne ed-inum kayi te inumen din ne kenè din idtag̵ù diyà te g̵ehinawa zin ke hengkey is tutuu he kehulug̵an kayi, ne nekesalè en sikandin diyà te Nengazen tew su wazè din tehuza is lawa wey is lengesa te Nengazen.

1 Kurintu 11:28

Ne tenged dutun kinahanglan he susiya te kada sevaha is kandin he g̵ehinawa ke tutuu ve is kedsarig din te kebpatey ni Jesus ne human egkehimu he egkaan wey ed-inum sikandin.

1 Kurintu 11:30

Iyan heini hinungdan ke maan is egkezeruwan is mezakel keniyu. Mezakel zaan diyan is menge meluya is lawa zan ne mezakel zaan is nemematey su silut te Megbevayà.

Hibriyuhanen 5:14

Ne emun meg̵urang ki en ne egkesepè te en is mehunit he egkeenen, he ke và dà egkeg̵iya, mezalem en is igkepenurù kenita ne metau ki en he ed-isip-isip, ne egketuusan te en ke hengkey is meupiya wey ke hengkey is mezaat he ibayà.

Santiago 3:1

Menge suled, deyzey ke kenà mezakel keniyu is egkesuat he ebpenurù, su sikami is ebpenurù, utew meheg̵et keuzemà is kedsusiya kenami te Megbevayà, kenà te ebpepenurù kenami.

Santiago 5:12

Menge suled, ebeleuzan ku sikiyu he emun duen ibpesarig niw kenè niw heg̵eta pinaag̵i te kebpengulivet wey kedsesapà. Kenè kew medsesapà pinaag̵i te kegemita niw te minsan hengkey ziyà te langit wey zini te tanà te kebenara niw te menge lalag niw. Uya zà wey wazà is gemita niw su wey kenè kew mesiluti te Megbevayà.