su kemulu kew pa ebeyveyaan te keniyu zà he suat. Su zuen kun duma keniyu he egkesina ne zuen duma pa he ebpekidtebek, ne tenged kayi henduen be te ebeyveyaan kew pa te suat niw iring te menge etew he wazè pa medtuu ki Jesus.
Duen nezineg ku, menge suled, he zuen sevaha keniyu he utew meremerik is ulaula zin. Duen kun maama ziyan he migkumpadi zin is esawa te amey zin. Ne minsan is menge etew he wazà medtuu te Megbevayà, wazà ulaula zan he utew mezaat he iring keniyan!
Ne emun duen idsumbung te sevaha keniyu he zuma zin he tumutuu, maan is layun kew ebpehusey te menge zatù he kenà tumutuu? Kinahanglan he iyan edhusey kenitew is duma tew he tumutuu.
