1 Kurintu 10:25 - Manobo Western Bukidnon

²⁵ Na. Egkehimu he egkeenen ta is minsan hengkey he usa he imbelegyà diyà te mirkadu, iyan, kenè ta id-insà ke impemuhat be wey ke wazà su wey wazà ibmesakit te g̵ehinawa ta ke egkeenen ta.

1 Kurintu 10:25 교차 참조

Nengeulaula 10:15

Ne mid-umanan keg̵iyi sikandin te, “Is migkag̵i te Megbevayà he meupiya, kenè nu keg̵iya he meremerik.”

Ruma 13:5

Tumana niw is menge sug̵ù te gubirnu, kenà tenged dà te egkehandek kew te silut te Megbevayà, kekenà, tenged te netuenan niw he iyan heini hustu he ed-ul-ulahan.

Ruma 14:14

Tenged te kebpekidsevaha ku te Nengazen tew he si Jesus, impesavut kedì he wazà minsan hengkey he egkeenen he idawey te Megbevayà. Iyan, ke zuen etew he edtuuwan din he indawey te Megbevayà is sevaha he egkeenen ne kenà meupiya ke egkeenen din.

1 Kurintu 8:7

Iyan, duen menge zuma tew he tumutuu he wazà mesayud he wazà gehem te tarù he Megbevayà diyà te kandan. Ne utew mereg̵en kandan is ked-ewai zan te imbilinbilin kandan he tuluuwen mehitenged te tarù he megbevayà. Ne emun egkaan dan te egkeenen he impemuhat, iyan egketag̵ù te isip dan he neketampu zan dutun te ked-ezapa te tarù he megbevayà. Ne tenged kayi ebpekezezaat te g̵ehinawa zan su kunaan dan ke nekesalè dan su nekekaan dan te usa he impemuhat diyà te tarù he megbevayà.

1 Timoteo 4:4

Meupiya is minsan hengkey he egkeenen he midlimbag te Megbevayà ne kinahanglan he kenè tew egkeg̵iyen he mezaat is minsan hengkey, kekenà, edewaten tew wey ebpeselematan tew.

Tito 1:15

Ke zuen etew he nelumpiyuwan te Megbevayà, wazà minsan hengkey he ibmeremerik din. Iyan, ke zuen etew he wazà melumpiyuwi te Megbevayà, wazà minsan hengkey pa he paag̵i he igkelumpiyu kandin su kenè sikandin edtuu ne nelalung utew is isip din wey g̵ehinawa zin.