1 Kurintu 10:18 - Manobo Western Bukidnon

¹⁸ Isipa niw is ulaula te menge Hudiyu su is kada sevaha kandan he egkaan duen te impemuhat duen te vangkù diyà te etuvangan te Megbevayà, ne pinaag̵i te kegkaan dan nekelapik en sikandan te ked-azap te Megbevayà.

1 Kurintu 10:18 교차 참조

Ruma 1:3

Tudtul heini te keag̵i te Nengazen tew he si Jesu Kristu he Anak te Megbevayà. Ne heini si Jesus, nehimu he etew su in-anak sikandin he kevuwazan te tipehuna he hadì he si David.

Ruma 4:1

Penenglitan si Abraham is kepuun dey te menge Hudiyu, hengkey is netuenan din?

Ruma 4:12

Ne nehimu zaan si Abraham he kepuun, he ke và dà egkeg̵iya, egkeiringan te langun he menge Hudiyu he kenè dan iyan serig̵i is kedsirkunsidara kandan, kekenà, iyan dan serig̵i is kedtuu zan he iring te kedtuu ni Abraham te wazè pa sikandin sirkunsidara.

1 Kurintu 9:13

Siguradu netuenan niw he haazà is menge etew he ebaal ziyà te simbahan he Valey te Megbevayà, ne zutun dan egkuwaa is egkeenen dan. Ne is menge memumuhat daan he ebpemuhat dutun, ne egkezawat dan daan is bahin dan dutun te impemuhat.

Gelasya 6:16

Is minsan hentei he ed-ikul kayi te ibayà he impenurù ku pinaag̵i kayi te surat, berakat he mehizuwi te Megbevayà wey veg̵ayi te melinawen he kebpekesavuk, ne kenà iyan dà sikandin, kekenà, elin daan is langun he menge tutuu he tumutuu te Megbevayà.

Hibriyuhanen 13:10

Sikitew is menge tumutuu ki Kristu, duen tew en ingkepemuhat, iyan, haazà is menge memumuhat he Hudiyu he ziyà ebpemuhat te simbahan he ziyà te Hiruselim, wazè dan ketenged te kegkaan kayi.