ZEPHANI 3:3 - Lacid Common Language Bible

³ Houg: mo vhujhung: koid mo, gi myeung nyid da" khangkhyi yhang: ti" nghoid nyid. Nya: da" dang: phyed zoug: yi we' zooyoid nyid da" myeingkhoid" joem yhang: ti" nghoid nyid. Nyangnu" gi vhoo: boo myono, mo nghoid boem yoomo shooyoug: daloem: ri we' thang: nyid" shid re" ga: ateung to" boem.

ZEPHANI 3:3 교차 참조

DANG: ZHOEM 28:15

Myung shoo" mo, da" atho' moo athoug" akhyoug: vhoebkhang" nyid da" zoug: phoo gi myeung kyoug nyid da" khang khyi, yhang: ti"- anghoid lang" gi zoo: noem sho: yen" da" voem, yhang: ti" gyoug noem' nghoid nyid.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

ESAIA 5:29

Gyizoo: yigi gougnyhoug dadu: ri yo" ngaid boem da" khangkhyi joem yhang: ti" hung: wigi hang" we' hau joem lo, mo ayhe: yo" yu nghoid ago".

YEREMIA 22:17

Nghoid loug we' nang gi nanya: shid re" za: myang da:. Nang gi ce: yooboo ayo" da" bang: ri said pyam wigi Re" mung" byu yiri ajoem: theing zeig zo: da:. Aseing tid too" bye:.

YEREMIA 23:11

Aseing tid zigi «Lapi: yi yo' khainjung yigi Mangsoo aboo nghoid ago". Nyangnu" Noku Yhoem: Moo" moo nyang: akhyeing" zi koid nyid ziri ngoo myang bye:.

YEREMIA 5:6

Hougsu" yoomo siyoo mo khangkhyi gi nyangnu" ri said pyam loo wa. Dain pyoid yoo mo zeigni joem gi nyangnu" ri adu du ngaid phyed ceig pyam loo wa. Houg: lho: zooloo: joem gi nyangnu" da" voogung joem moo shoo: zo: lam" yen" loo goo" wa. Hau: byumyu" yi so" thu lo" nghoid rigi nyangnu" agang gang lang: khyam" pyam zi shoug" wa. Ciwim gari nyangnu" da" yooboo joem gi sung myo: wigi Dalheing: thang: dalheing: nyangnu" gi Mangsoo mo lheing: thu lo" ago".

EZEKIEL 22:6

Israela vhujhung: yi dangain" gi nyangnu" nya: yoem: ri myid loem lho: byu said moo" shoid ago".

EZEKIEL 33:26

Nanu" gi nanu" nya: sham: coin" joem moo khau: nghe: da:. Nanu" da" avoid gi aco' ajhoid nghoid da:. Yugkhang" moo" gi myi shoid lang shoid ago". Hau: mungdain: gi nanu" da" mung" nghoid ein: khasu" yo" myid go" la".

HABAKU 1:8

Nyangnu" da" ju: myang: joem gi myeing khuid" tho' moo je myab boem wigi zooyoid nyid da" zeig ni joem tho' moo je" akhyeing" zi nghoid. Nyangnu" da" myang: ju: ju: mo, gi moug: vi: mo ju" lo lho: nyangnu" da" myang: joem we' go" xang yab jo, ago". Zoin bung: gi nyangnu" da" zoo: shoo" ri myheug yu wa shid re" nyhau' gyoo" lo yhang: ti"- nyangnu" we' ju" ri: wa zi nghoid.