ZEPHANI 3:1 - Lacid Common Language Bible

¹ Nyang: nya: voogung byu yi ri doin: zeig zo:- byo, bei ziyo' goemlu gyi: koid da" Yerusalem gi byu xuid" voo yoem: zi shau" nyid abye:.

ZEPHANI 3:1 교차 참조

ESAIA 30:12

Nghoid loug we' he: zigi Israela da" gyeung" shang: Mangso tid da" dang: nghoid da:. Hau: zigi «Nanu" gi ngoo tid da" dang: ri ce: shu: anhang: lho: pyijoem: sho: wigi mhau fain" ziri khau: nghe: ago".

ESAIA 5:7

Israela gi myhang: thang Aseing da" zabyid khyam: nghoid da:. Yuda byu yigi nyang: sho" to" da" zabyid nei nghoid da:. Nyangnu" ge da moo" zei: wa ziri nyang: myid lang" da:. Nghoid loug we' hau: gungthid nyangnu" gi byu said moo" koid ago". Nyangnu" jo zi koid wa ziri nyang: myid lang" da:. Nghoid loug we' nyangnu" dam kham zoo: bang: gi tarha" deing byeung" ziri mho'’ yoid nyid ago".

ESAIA 59:13

Ngoonu" gi nang ri thougtheung gyi koid- nang ri ngeug he: pyam'- re" thang: cang wa he: pyam' boem bye:. Ngoonu" gi subi" ri zeig zo: wigi nang mo phug lo" boem bye:. Ngoonu" myid soin: khyoo: joem gi shoid. Ngoonu" tid dang: khoin" joem gi mhoug zi danghoid.

YEREMIA 22:17

Nghoid loug we' nang gi nanya: shid re" za: myang da:. Nang gi ce: yooboo ayo" da" bang: ri said pyam wigi Re" mung" byu yiri ajoem: theing zeig zo: da:. Aseing tid too" bye:.

YEREMIA 5:23

Nghoid loug we' byu nanu" we"- nanu" gi nheigloem: thain: wigi goemlu too' wa myid bo ago". Nanu" gi khyoo: thung vang wigi ngoo ri too" kho' ago".

YEREMIA 6:6

Myhang: thang Aseing gi he: khokham joem ri seiggam joem thug pyam lho: Yerusalem ri vang: wa shid re" myid boem" joem du: boem" nhang: too" bye:. Nyang: tid zigi «He: voomoo" moo doin: zeig zo: zi soung byeung" jo, bye: yoomo hau: ziri ngoo yooboo dam byid: wa.

YEREMIA 6:7

Gyid thung" gi ngham" da" gyid gyeing: ri thu' loo nhang: yhang: ti" Yerusalem we' nya: da" akhyeing" ziri thu' loo nhang: da:. Ngoo gi voomoo" khoug: moo pyijoem: sho: khaid said ziyo' phyo, shoin' moo" ri shau" gyo: da:. Noophyoo" yo' dam dab ziza: ngoo shau" myang da:.

EZEKIEL 22:29

Yoo" zoo: yoo" shug bang: gi mhoug zo:- lhoid zo: ago". Nyangnu" gi sho" jhen: bang: ri anghoid khyo" zoem" khau: wigi tungbau byu yiri ajoo aeung: khyo" zeig zo: ago".

EZEKIEL 22:7

Voomoo khoug: mo hang" dayug we' nya: myhi' phoo ri ngi: ashab' byid: nghoid ago". Nang gi tungbau byu yiri mhoug zo: lho: cougmoo" yi yo' coug" zoo: yiri atu" amyaid sho: da:.

EZEKIEL 23:30

nang ri hougsu" bui" nhang: wa. Nang gi byumyu" yi da" shava myhi' bue" lid: lo wigi nyangnu" da" yu soolhoo: joem yo' nanya: gung nanyang: ayung" alho' bui" nhang: loo wa.

XOIN" NGEI" 1:16

Nyang: gi loid ri myiyab shoem" khyo' boem to" da" phoin: bidthu shoid moo: she: lhei" pyam wa zi nghoid.

AMO 3:9

Egutu yo' Ashdod khokham khoo" vang khoug: moo nyid mo, ri tid fu" we'. «Samari bouggung joem tho' moo phung: foem: lho: houg: moo abyoo asain" wim jo, ziyo' youg: noo yooboo moo" shoid vhang: nyid ziri yu" ge'».

AMO 4:1

Bashan mo nujung zeing joem yo' dakhyoo" ti" xu: young" boem lho: yoem: neing: mo, ri anghoid akhuang khyo" zoem" khau: wigi myung shoo" bang: ri doin: zeig zo: boem ziyo nanu" da" yhoem: seing: phoo yiri yhid: jang nhang: da" Samari mo myhi' zeing yi nanu" we' he: khyoo: ri tam" gyo: yu" we'.

MIKHA 2:2

Nyangnu" gi yoothung" yoogu: ri vhoo: lang" lhoid seung: yu boem. Yhoem: joem ri we' yu" vhoo: lang" hau: ziri nyangnu" lhoid yu boem. Hang" ikoin deungkhu: we' hang" ziyoo we' gau: nyu: khyoo: ayoo" nghoid ago".

ZEKHARIA 7:10

Cougmoo" myhi' anghoid lang" gi coug" zoo: anghoid lang" gi nanu" akhoug: moo nyid da" tungbau byu yi yo' sho" jhen: mo, ri adoin: zeig goo". Nanu" gi dayug yo' dayug noo nhang: go" da" khyoo: akoid goo"» ga: tid kyoo" bye:.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.