ZEPHANI 2:3 - Lacid Common Language Bible

³ Aseing da" amyeing" dang: ri gyo: yu da" nheigloem: khyo' nyid mung" byu yi we' Aseing jhang khyoo: doem lheung: loo we'. Deingmain" da" moo" ri zei: lho: Aseing shidkhoin" moo nanu" da" nheigloem: ri khyo' shug we'. Hougsu" nghoid lang" gi Aseing da" nheig joem: yo: da" bidnyid toin" shed lo da" uri shen" yhen dam byid: jang" mo nanu" yo" loid byoin loo" goo" abe.

ZEPHANI 2:3 교차 참조

2 SAMUELA 12:22

David gi «Nghoid nyang: kangso' dei nyid shi" uri ngoo zooshug zeing: wigi ngau pyam bye:. Houg: lang" Aseing gi ngoo ri nheig khyeug wigi zooshang: ri ashid: nhang: abe ein: myid zi nghoid.

COUNG" NGHEI 105:4

Pang" thug baja" ga: mho' wa shid re" Aseing jhang khyoo: yu: zeung yhi: we'. Yaku amyed ashen yi we' Mangsoo zei: shug bye: da" alho: again joem yo' nyang: byid: too" bye: da" tarha" dang: kho khyoo: ri boin: so" nyid we'.

COUNG" NGHEI 149:4

Aseing gi nya: byumyu" yiri vho: ngei nyid wigi khyo' nyhoem: nyid bang: ri oung: doid ziyo' myonhoo: ngi: shab byid: nyid.

COUNG" NGHEI 22:26

Sho" jhen mo, gi gyi" gyi: shoug" zo: boem wa. Aseing jhang khyoo: yu: tain" ri" mo, gi nyang: ri coung" ngei boem wa zi nghoid. Houg: bang: gi khanham we' yoo" zoo: yo" shoug nyid boem baja".

COUNG" NGHEI 31:20

Byu yi da" gau" myid soin: sham: go" khyoo: mo nang gi re" shidkhoin" moo: ngoonu" ri yhoem" to". Nyangnu" da" gyivoo joem wigi rue" jang" mo nang gi nyangnu" ri goin coung: myenjham" nhang: nyid bye:.

COUNG" NGHEI 45:4

Deingmain" ziyo' nyeung: veung" da" tarha" ri lhoug zung" zoore

COUNG" NGHEI 57:1

Ngoo gi re" jang" moo: yo" gau: nyu: nyid wa ju" ri" bye: yoomo ngoo ri nheug khyeug yu byid: we'. Uglid zeing hau, lid: lo" ayo, ju" sho' re" dung khoug: moo ngoo khau: nyid wa.

COUNG" NGHEI 91:1

Goem loem byid: khyoo: shoug" yu wa shid re" Aseing jhang ju" ri bang: hang" nghoid loug we' gyi: myhang da" goem loem byid: su: akhoug: moo shoug" khau: nghe: nyid su: nghoid bye:.

THU' LO" MOUGSOUG" 12:27

Nanu" gi he: zigi Egutu mung" moo Aseing gi Israela byu yi da" yhoem: joem ri lhid: kaid yoomo Aseing ri ngi: shab byid: wa shid re" koid da" lhid: kaid pui" da" xoin" nghoid da:. Nyang: gi Egutu byumyu" yiri said pyam nghoid loug we' ngoonu" rigi teing to" da› ga: tu" goo" wa» ga: tid. Israela byumyu" yi poid thug thug wigi noku boem bye:.

DANG: ZHOEM 18:10

Aseing gi geung: teung da" gyipyu, zung nghoid- Hougmoo: deingmain" mo, yo' yhe: lho: goug: nyu: tung" yo" khau: nyid ago".

ESAIA 1:17

Jo zi koid wa zhang: yu we'. Tarha" deingmain" ziri cang ge'. Doin: zeig zoo: shoug" bang: ri pang" thoug byid: we'. Coug" zoo: yiri nyangnu" yo" yu eung: da" akhang" ri byid: we'. Coug moo" yiri goem loem byid: ge'» ga: tid.

ESAIA 11:4

Nyang: gi myung shoo" bang: ri nyeung veung" khyo" dang: phyed byid: lho: asho" ajhen: bang: da" akho: akhang" ri goem loem byid: loo wa. Nya: amyeing" dang: moo mung" byu yi yooboo dam byid: zi shau" lho: akhyeing" da" bang: shid: loo" goo" wa.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

YEREMIA 39:18

Ngoo gi nang ri goug: goug: nyid nhang: wa. Houg: lho: nang said pyam zi ashau" wa. Nang ngoo ri loem khau: nyid yoomo re" kangso' yo" phang: loid wa» ga: zi nghoid ngoo Aseing tid too" bye:.

YEREMIA 45:5

Nanya: shid re" gooki lhid khyoo: ri shoo: wa la". Hougsu" akoid. Ngoo gi byu dangain" bang: adang moo yau: khi" ci: loo byid: wa nghoid loug we' nang gi khakhyoo: loo" loo" neing: thang nanya: apyaid yo" loid wa. Ngoo Aseing tid too" bye:.

EZEKIEL 13:5

Nyangnu" gi vang joem byo, gyo" jo, jang" moo azung"- vang joem ri we' adoem so' koid yoomo Aseing da" bidnyid moo meing: byo, loo lang" Israela ri gyi mo ayo" goem loem byid: nghoid ago".

HOSEA 10:12

Ngoo gi «Nanya: shid re" yoo seig ri phug yu we' deungmain" zi sho" lho: ngoo ri tam" gyoo: yoomo yo" re" wa da" mainkaid jeju" ri yhoem" yu we'. Re" Aseing-nga" jhang khyoo: doem lheing: lo wa ayo, ju" bye:. Ngoo ju" re" lho: re" adang moo mainkaid jeju" foid shoin" byid: wa» ein: tid bye:.

HOSEA 7:10

Israela byumyu" yi da" nghoid boin: zigi nyangnu" ri gyi tau" koid theing nyho: nyid ago". Hougsu" ja: khang" moo" bue" lid loo nghoid loug we' nyangnu" gi nyangnu" da" Ngoo Aseing Mangso jhang khyoo: atau" loo nghoid ago".

YONA 3:9

Mangsoo gi nya: myid ri thid pyam abe. Nyang: nheig yo: nyid khyoo: ri theing: pyam shi" abe. Houg: lang" ngoonu" gi ashid: loo wa nghoid.

ZEKHARIA 8:19

«Lhammoo" myid: khyab wim: khyab nyhed khyab yo' xi: khyab ein: wa lhoo' khyab joem moo zoo: noem zeing: ayo, moo: gi Yuda byu yi shid re" gau yi ziyo' ngei pyo: da" pui" bidnyid bue" loo wa zi nghoid. Houg: yoomo nanu" gi deingmain" ziyo' myenjham" khyoo: ri vho: ngei ca"» ga: tid.

MATHE 5:5

«Nheugloem: nu" nham' mo, gi ngilho' boem wa. Khasu" wim gari nyanu" nyang: gi Mangso dang: theing to" da" mainkaid jeju" yo" yu boem wa zi nghoid.

1THESALONI 4:1

Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

1THESALONI 4:10

Gyeing" nyang: ga: rigi nanu" gi Makedoni mung" goin" jang" mo Khristain mang nhung" yi dangain" bang: yo' zoem" khau: jang" moo houg: khyo" jheddab go" da" khyoo: ri cang lo" boem bye- houg: yoomo mang nhung yi we"- nanu" da" jheddab nheigloem: je gyi: loo wa shid re" nanu" ri ngoonu" mho' nyid.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

1PETERU 3:4

Nyang: nya: nheigloem: ung: khoug: yo' sen: da" khyoo:- gyeungshang: nu" nham, nheigloem: ein: da- khanham we' ashoem: apyang: lo" da" lhoo, ri yhoung ci: ge'. Houg: yhang: ti" lhoo, ri yhoung ci: da" khyoo: gi Mangso shid' khoin" moo phoug" dab, da" khyoo: nghoid.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men