ZEPHANI 2:10 - Lacid Common Language Bible

¹⁰ Houg: gi Moba yo' Amon byumyu" yigi khuang zi phau: ziyo' yoem: moo' bo da" Aseing byumyu" yiri juang" yi doin: khyoo' yoomo shen" yhen zi thoung" shau" da" khyoo: nghoid.

ZEPHANI 2:10 교차 참조

1 KHOKHAM MHOOMYID: 16:21

Nghoid loug we' Mangsoo gi nyangnu" ri doin: zeig zoo: wa da" akhang hang" ri we' abyid: nyid nghoid da:. Nyangnu" ri goem loem byid: lho: khokham yiri sadi byid: to".

THU' LO" MOUGSOUG" 10:3

Houg: yoomo Moshe yo' Arun khokham jhang yhe: wigi nyang: ri «Hebre byumyu" yi da" Aseing Mangsoo tid ‹Nang ngoo ri yhen: loo wa shid re" kha: myhang ngeug he: nyid shi" wa la". Nga" byumyu" yi ngoo ri yo" noku wa shid re" yhi: wa akhang" byid: we'.

THU' LO" MOUGSOUG" 9:17

Houg: loug nang nheigloem: thain: nyid shi" wigi nga" byu yiri nhang: kaid wa shid re" ngeug pyam da:.

ESAIA 16:6

Yuda byumyu" yigi «Moba byumyu" yi khayhi' nghoid boin: boem da" thui: ri ngoonu" shoug" gyoo bye:. Nyangnu" nghoid boin: lho: phau: mo, nghoid boem ziri ngoonu" se' da:. Nghoid loug we' nyangnu" phau: zigi akoem: nghoid ago"» ga: tid ago".

YEREMIA 12:14

Aseing tid zigi «Nga" da" byumyu" Israela yiri ngoo byid: to" da" mougmyid ri phyo' shoin' pyam da" Israela da" yhoem: kyoo" cang" mungdain: yiri ngoo tid wa daja: jo,. Ngoo gi hau: akhyeing" da" byumyu" yiri agyi: mo boin" lo" da" seiggam yhang: ti" yu pyam wa. Houg: lho: ngoo gi Yuda ri nyangnu" mo khyoid yu wa.

YEREMIA 48:14

«Moba byu yi we"- Ciwim yoomo sarhi' yi gyipui" moo jham" yu" bye: voem" da" gyizoo: yi nghoid ein: tid go" la".

YEREMIA 48:29

Moba gi gye" nghoid boin: da:. Nyang: gye" nghoid boin- gye" phau:- gye" nheigloem: myang: khyoo:- nyangnu" nya: gung ri gye" myid myhang: khyoo: ri ngoo shoug" gyoo: bye:.

NGOUG JI: 1:9

Nya: da" ayoung" ashang: khyoo: ri lei lei yo" myang. Nghoid loug we' nyang: gi: nya: vhu" pi: lo, kyo' shid re" loem zoo: wa khyoo: ri cishu: anhang: nghoid da:. Nyang: leung gyo" lo" da" khyoo: gi yu" gyoug yu" lhoung: khyoo: nghoid nyid. Nyang: ri hang" we' nheig ayo" teing byid. Nya: gyivoo joem gi nyang: ri oung: pyam yoomo nyang: gi Aseing jhang khyoo: nheig khyeug shoomyen: byid: shi" wa shid re" yoid ngau nyid abye:.

EZEKIEL 25:6

«He: zigi yoem: moo" bo Aseing tid nyid zi nghoid. Nanu" gi lo, pyug pyug lho: gau yi tung" byam da:. Nanu" gi Israela mung" ri yu" nge da:.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

OBEDIA 1:11

Gyivoo joem gi nyangnu" da" voogung khoem" moo" duang: joem ri yhe: baid phyo' pyam da" bidnyid moo nang gi ayam moo bo yab jo, abye:. Yerusalem da" ziyoo jonu" joem ri pyoung" thu lo" lho: hau: ziri nyangnu" kho' gam yu go" lo" da" tungbau byu yi yhang: ti" nang gi areing nghoid da:.

OBEDIA 1:3

Re" da" nghoid boin: khyoo: gi nang ri mhoid" jhoem" pyam, bye:. Re" da" voomoo" zeing gi lug moo" boem su" geung: jo, da" gyidab nghoid- re" da" yhoem: gi boem joem tho' moo jo, wigi nang nanya: gung ri nanyang: tid nyid zigi «Ngoo ri hang" wigi yo" lang: khyo' wa la"» ga: tid nyid.

ZEPHANI 2:8

Yoem: moo" bo da" Aseing tid zigi «Moba yo' Amon byumyu" yigi nga" mung" byu yiri juang" yi boem wigi nyangnu" da" mung" ri lhoid yu pyam wa ga› nghoid boin: myheung nyid ziri ngoo shoug" gyoo: bye:.

1PETERU 5:5

Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".