ZEPHANI 2:1 - Lacid Common Language Bible

¹ Sho' ase' da" byumyu" we" re" zeing: foem: nyid ge'.

ZEPHANI 2:1 교차 참조

2 KHOKHAM MHOOMYID: 20:4

Yuda voomoo" khang" moo" mo mung" byu yigi khyoo: shid byid: wa shid re" Aseing ri akyu" mho' wa Yerusalem khyoo: hain: hain: yhe: lo" ago".

NEHEMIA 8:1

Lhammoo'' nyhed khyab ein: khyab ju'' ri Israela byumyu"'' yigi nyang: yug nya: voogung joem ri yo'' de: nyid boem abye: go''. Hau: lhammoo"' khyab xang: shi'' nyid' ri nyangnu"' dangain"' bang: gi Yerusalem gyid khoem" moo'' akhoug: shoid shava jang: moo: phung: foem: nyid boem ago''. Nyangnu"' gi khainjung we' nghoid- Aseing wigi Moshe khyo" Israela byumyu" yiri byid: da" tarha" ri si' su: Ezra ri Tarha" mougsoug" pug yu byid: wa shid re" mho' ago".

NEHEMIA 9:1

Hau: lhammoo" khyab moo nyang: eig xe: myid: nyid" ein: nyid" moo Israela byumyu" yigi nyangnu" nya: yooboo joem shid re" kougshu: ziri ci: shug wa shid re" zeing: foem: wigi zoo: noem jang" ago". Nyangnu" gi nyangnu" nya: gung ri tungbau byumyu" yi dangain" bang: mo gootu: tu: kho' nyid abye: go". Nyangnu" gi kougshu: da" asoo" khyo" jid moo" byimi void lho: nyangnu" vhuloem joem moo zhoo" phei" geig gyoug" ci: ago". Hau: thang: nyangnu" gi yab jo, wigi nyangnu" nyang: yo' nyangnu" da" phoug" phyid" yi shoid vhang: lid lo da" yooboo joem ri yhen: yu boem ago".

ESTHA 4:16

«Susa mo Yuda byu dangain" ri yhe: khe: zheing" too" we'. Zooshug jang" lho: nga" shid re" akyu" mho' byid: we'. Soem" nyid" soem" myen goin' ci: we' azoo: ashug goo". Nga" dei zoo: myiyi: nu" yi yo' ngoo we' hougsu" koid boem wa. Hau: thang: tarha" ri thougtheung zi bui" sho' nghoid loug we' khokham pho jhang ngoo yhi: wa. Hidsu" koid yoomo ngoo shid: ca" nghoid rigi ngoo shid: kham wa» ga: tid da:.

YEREMIA 3:3

Hau: gang mo moug: gyid ri toem' pyam wigi xung" ri moug: zoo" agyoo" loo:. Nang gi shava myhi' yo' du wigi sho' ga: zi asi nghoid da:.

YEREMIA 6:15

Nyangnu" he: aco' ajhoid moo" joem ri koid wigi sho' boem go" rhe". Asho'- nyangnu" dajhi' we' asho' nghoid ago". Nyangnu" gi myonhoo: lang" abyo, nghoid da:. Houg: lho: ngoo yooboo dam byid: uri goo" yug leung gyoo" lo" yhang: ti" nyangnu" we' leung gyoo" loo" wa. Hau: zigi nyangnu" da" lo" thang ayo, nghoid wa. Ngoo Aseing tid bye:.

YOELA 1:14

Zoo: shug jang" pyam wa shid re" amyeing" khyoo' byid: ge'. phung: foem: wa shid mo khe: zheing" we'. Nanu" da" Aseing Mangso da" Noku Yhoem: Moo" khoug: khyoo:- Yuda byumyu" yi dangain" bang: yo' vhu" shi: bang: ri khe: zheung" kaid lho: nyang: ri mho' yoid we'.

ZEPHANI 3:5

Hougsu" nghoid loug we' Aseing gi hau: voomoo" khoug: moo akhid" danyid shi". Nyang: gi deingmain" da" khyoo: ri koid lho: shoid vhang: khyoo: ri khanham we' akoid su: nghoid. Nyang: gi nab soin: khang" moo" nya: byu yi jhang khyoo: tarha" nyeung veung" khyoo: ri ci: ri" byid: nyid. Nghoid loug we' adeing amain" da" byu yigi sho' asi' loo: za: shoid vhang: khyoo: ri daxo' koid nyid ashi" ga:.

ZEKHARIA 11:8

Ngoo gi ngoo ri ngheing" da" yang zung" mo, gootu: soem" yug ri atho' kham zeing: loo: yoomo lhammoo" dakhyab' khoug: moo za: nyangnu" dangain" mo, ri khaid thu pyam' bye:.

MATHE 18:20

Khasu" wim gari Byu eig soem" yug gi Nga" da" myeing ri nghe: khau: lho: zoeb foem: nghoid rigi houg: bang: yo" ngoo dage" nyid wa zi nghoid.»