ZEPHANI 1:3 - Lacid Common Language Bible

³ Xangsu: byu yi yo' gougnyhoug gougdoo:- ngho' joem: yo' wimdo, joem dangain" ri phyo' shoin' pyam loo: wa. Age da" byugang: yi nyangnu" ri we' gyoeb gyo" loo" nhang: wa. Ngoo gi byu xangsu: yi dangain" ri phyo' shoin' pyam lho: hang" ri we' ateung too" loo: wa» ein: ngoo Aseing gi gyeing" nyang: hidsu" tid bye:.

ZEPHANI 1:3 교차 참조

APOEM AYANG: 6:7

Nyang: gi «Ngoo phain" so: to" da" he: da" byu yiri ngoo shoem" shoung: pyam loo wa. Houg: lho: gougnyhoug joem yo' ngho' joem ri we' shoem" shoung: pyam wa. Khasu" wim gari nyangnu" ri ngoo phain" so: to" zi gye" nheig koug bye:» ga: tid.

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

ESAIA 6:11

Ngoo gi «Aseing we"- he: zigi kha myhang myang" wa la"» ein: myid: bye:. Nyang: gi «Voomoo" joem byo, lo" lho: akoem: bue" da" ayo, ju" sho' yhoem: joem moo: byu anyid da" ayo, ju" sho' mungdain: nyang: we' jham" coug: youg bui" yo, ju" sho' myang" wa.

ESAIA 6:12

Ngoo gi byumyu" yiri vi: khyoo: nhang: pyam lho: mungdain: goin' ri jham" coug: youg bue" nhang: wa.

YEREMIA 12:4

Ngoonu" da" mougmyid gi khamyhang ju" sho' kyug hei' jo, wa la". Houg: lho: janggyoin: dangain" mo myo, joem gi khamyhang ju" sho' kyug shid: jo, wa la". ‹Ngoonu" cikoid nyid ziri Mangsoo amyang› ga: tid da:. Ngoonu" byu yi da" akhyeing" moo" yoomo gougnyhoug joem yo' ngho' joem shid: doem: lo" nyid abye:.

YEREMIA 50:3

«Mougzhung: shoid mo byu damyu" gi Babelon ri gyi koid wa ju" re" wigi hau ziri dain" pyoid yoo koid pyam loo wa. Byu yo' gougnyhoug joem gi tang" phang: lo" byug wigi houg moo hang" we' anyid goo" wa» ga: zi nghoid.

YEREMIA 7:20

Houg: lho: ngoo- yoem: moo" bo Aseing gi he: Noku Yhoem: Moo" khyoo: nga" gyoug pho" nheig yo: ziri foid shoin" kaid wa. Ngoo gi hau: nheig yo: ziri byumyu" yi yo' gougnyhoug joem adang moo foid shoin" kaid wa. Houg: lho: seiggam joem yo' shivoo: shiloem gam joem adang moo lang" foid shoin" kaid wa. Nga" da" nheig yoo gi hang" wigi we' ayo" said pyam da" myi: yo' du wa.

YEREMIA 9:10

Ngoo gi «Boem joem shid re" koug ngau wa. Coung" yoo shid re" ngau wa. Ciwim gari hau: joem gi kyug byug wigi hau: joem dang khyo" gyung: hang" asoo" nghoid da:. Yhoem: khu: gougnyhoug thui: ashau" gyoo: loo wa. Ngho' joem yo' gougnyhoug lam" joem dangain" phang: byug abye: go"» ein: tid.

EZEKIEL 44:12

Nghoid loug we' nyangnu" gi Israela byumyu" yi shid re" yu phara" soolhoo: ri no' da" moo" koid lho: hougsu" khyo" wigi shava byu yiri yooboo thoem" khyoo: shu" vang lo" ago". Ngoo yoem: moo" bo Aseing gi nyangnu" ri yooboo dam byid: wa ein: geing: teing tung" dangsoo" too" bye:.

EZEKIEL 7:19

Nyangnu" gi nyangnu" da" sheing: yo' ngei ri khyoogung cang mhoid soid yhang: ti" she: pyam sain" to" loo goo" wa. Ciwim gari: Aseing wigi nya: da" nheig joem yo: ziri foid shoin" thu kaid uri ngei yo' sheing: gi nyangnu" ri yo" khyoid yu wa zi anghoid. Hau: zigi nyangnu" da" myidvho: khyoo: ri ayo" pyeing- voem: we' agyi: nhang: nghoid da:. Ngei yo' sheing: gi nyangnu" ri yooboo khoug khyoo: shu" lo" da:.

HOSEA 14:3

Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

HOSEA 14:8

Israela byumyu" yigi soolhoo: joem yo' ci: asen: loo: goo" wa. Ngoo gi nyangnu" da" akyu" mho' dang: ri gyoo: byid: wigi nyangnu" ri goin coung: byid: wa. Ngoo gi khanham we' ashoem: lo" da" seiggam yo' dakhyoo" ti" nyangnu" ri bid shoem: yoeb byid: wa. Ngoo gi nyangnu" da" mainkaid jeju" dangain" da" ajhung: nghoid» ga: tid

HOSEA 4:3

Houg: yoomo mougmyid gi kyug lo" byug wigi hau: mougmyid dang moo nyid ja: dangain" zi shid: byug goo" wa. Gougnyhoug dangain"- ngho' dangain" yo' wimdo, joem lang" shid: thang byug loo goo" wa.

ZEKHARIA 13:2

Hau: bidnyid ri ngoo gi mungdain: mo yu phara" soolhoo: dangain" ri hang" we' aboin: loosho' shoem" khyo' pyam' wa. Mhau' da" lapi: yi yo' soolhoo: ri no' nau da" emyed joem ri we' shoem" shoung: pyam' wa nghoid.

MATHE 13:41

Byu da" nya: zoo: gi nya: moug: lagyoo: yi ri nhang: kaid lho: byu yi ri shoid vhang: nhang: mo, yo"- atarha" da" moo" zei: mo, bain, sho ri Nya: mougkhoung: Mungdain: mo khyen: thu' yu lho: wigi

MATHE 23:39

‹Aseung da" myeing khyang" mo ju" re" da" Mangso mainkaid su:› ga: nang tid bidnyid aju" ju" gi akhid" mo khanham we' nang ngoori; doem myang loo: zi anghoid.

Pang Shug 2:14

Nghoid loug we' nanu" moo yooboo foin: jang: dajhi' bo- Khasu" wim gari Israela byumyu" ri soolhoo: ri teing: byid: da" zoo: noem ri zoo: wa ziyo' avoid avhu: ein: da" youg: shoo: goo" wa shid re" Bala, ri jhoug" byid: balam: da" jhoug" myeing" moo bo cang loo" bang: nanu" moo dayham" bo nyid ago".