ZEPHANI 1:11 - Lacid Common Language Bible

¹¹ Voomoo" mo ung" zoo: ung" shug da" joyoo moo nyid mo, nanu" we' ngoug nyid loo: we'. Ciwim gari nanu" da" phaga: byu yi dangain" shoem" shoung: pyam zi shoug" wa.

ZEPHANI 1:11 교차 참조

YOBA 27:16

Akhyeing" bang: gi atho' nghab loo sho' ngei yoo" nghoid loug we' Ca" tho' moo jain" sho' byimi yoo" nghoid loug we'

YOBA 27:17

Byu gi dayham" wigi hau: byimi joem ri void pyam byid: wa. Houg: lho: deingmain" su: wigi hau: ngei ri yo" seing: pyam wa.

YEREMIA 25:34

Vhujhung: yi nanu" we"- kyi: ngoug ge'. Nga" byumyu" yiri zung" da" yang zung" bang: we"- nyho: yoid ge'. Koug ngau wigi pheilhoug: boem" moo lu: lheing yen" ge'. Nanu" ri said pyam wa yo, ju" lo wigi nanu" gi yang loo: ri yhang: ti" said pyam zi shoug" wa.

YEREMIA 4:8

Houg: yoomo jid moo" byimi void wigi ngoug ge'. koug myeing nyid ge'. Ciwim gari Aseing da" gyoug pho" nheig yo: zigi Yuda mo alheing: thu lo" byug shi" nghoid da:.

EZEKIEL 21:12

Shid: se' da" byu we". Koug wigi kyi: ngau kaid we'. He: shamcoin" gi nga" byumyu" yi yo' Israela vhujhung: yi shid re" nghoid da:. Nyangnu" gi deing nyid shi" da" nga" byumyu" yi dangain" yo' said pyam zi shoug" loo: wa. Re" yang gang moo nheigloem: thang ziyo' baid we'.

HOSEA 9:6

Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

YOELA 1:13

Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.

YOELA 1:5

Yhid: ya: yi we"- so" re" boem lho: ngoug ge'. zabyid yhid: shug mo, we" yoid ngau nyid ge'. Zabyid yhid: aseig ri koid yu wa da" zabyid shi" joem gi phyo' shoin: pyam zi shoug" bye:.

ZEPHANI 2:5

Panglai: gyid yam cang nyid da" Philisti byumyu" yi nanu" we' joem: loo" goo" wa. Aseing gi nanu" tho' moo dang: phyed pyam bye:. Nyang: gi nanu" ri phyo' sain" pyam loo: wa nanu" moo dayug we' deing loo: wa zi anghoid.

ZEKHARIA 14:21

Yerusalem yo' Yuda mung" joem mo oug" dangain" gi yoem: moo" bo da" Aseing ri goeb noku jang" moo ci: yhung: wa shid re" khyen: nyheung too' wa nghoid. Said shugbyid: da" xoin" ci: ri" mo, gi oug" hau: ziri yu lho: xoin" to' shoo" yhung wa zi nghoid. Hau: da" bidnyid ju" lo ri myhang: thang Aseing da" yhoem: moo" khoug: moo phaga: koid mo, hang" we' anyid loo: wa nghoid.

YOHAN 2:16

Aseing Yesu gi ‹‹Haug: bang: ri hid mo yu pyam' ge' Nga" pho, Yhoem: moo" ri kid" yhoem: akoid logoo" ga: wigi-jid: vhu: ung" bang: ri amyeing" khyo,

YAKU 5:1

Yoo" mo, di mo, we' nga" da" thui: ri tam" gyoo: ge'. nanu" gi nanu" nyang: moo ju" lo nyid da" sho" jhen kyi" khyeug wa khyoo: yoomo jha" yoid ngau nyid loo: ge