ZEKHARIA 9:8 - Lacid Common Language Bible

⁸ Ngoo gi nga" mungdain: ri lhoug zung" nyid wigi cenoem gyiphung: yi we' ayo" lid loo". Nya: mung" byu yiri shen" yhen doin: zeig nyid ziri ngoo khanham we' akhang" byid: wa zi anghoid. Ciwim gari akhid" mo wigi nga" byu yiri yhe: zung" yu" nyid wa.

ZEKHARIA 9:8 교차 참조

2 SAMUELA 16:12

Aseing gi nga" akhyeing" ziri yu" xoem" wigi nyang: ngoo ri nheing" yoomo main dajhi' khyalang" kaid byid: abe» ga: tid.

2 KHOKHAM 19:34

Ngoo nya: gung ri ngi: shab da" shid mo we' nga" dei zoo: David ri ngoo byid: to" da" dangsoo" yoomo we' ngoo gi he: voomoo" ri" lhoug zung" lho: goem loem byid: wa» ga: tid da:.

2 KHOKHAM 23:29

Yoshia khokham koid nyid uri Egutu khokham Nekho gi Asuri khosen ri pang" wa shid re" Uphrad gyid lang khyo" gyidab daloem ri shu' yhe: lo" da:. Khokham Yoshia gi Megido joyoo moo Egutu gyidab ri toem' pyam lho: gyi khaid jang: moo said pyam zi shau" da:.

2 KHOKHAM 24:1

Yehoiakim khokham koid nyid uri Babelon khokham Nebukhadneza gi Yuda mung" khyoo: jhen" vang yhe: lho: soem" zain Yehoiakim ri nya: vhoeb da" akhoug: moo doin: zeig nyid nhang: da:. Hau: thang: nyang: gi gyi koid da:.

COUNG" NGHEI 34:7

Nya: moug" lagyoo: yigi Aseing ri gyoug phoug" bang: ri lhoug zung" lho: gyoug pho" khyoo: moo nyangnu" ri khyoid yu.

COUNG" NGHEI 72:4

Khokham phoo gi asho" ajhen: bang: ri nyeung veung" khyo" tarha" dang: yo" phyed baja"- ca" yo nyid mo, ri we' yo" pang" thoug byid: baja". Nyangnu" ri doin: zeig zo: nyid mo, ri yo" soem" joem: loo" nhang: baja".

THU' LO" MOUGSOUG" 3:7

Hau: thang: ri Aseing gi «Egutu moo join bue" nyid mo, nga" byu yi da" gye" kyi" khyeug khyoo: ri ngoo myang bye:. Nya: bang: nyang: ri join gung" mo, jang" mo khyoid yu ge' ga yoid ngau: nyid ziri ngoo shoug" gyoo: bye:. Nya: bang: kyi" khyeug shoug" khyoo: ri ngoo dangain" si' bye:.

THU' LO" MOUGSOUG" 3:9

Ngoo gyeing" nyang: nga" byu yi da" ngau thui: ri shau" gyo: ziyo' Nya: bang: ri Egutu byu yi khayhi' doin: zeig to" ziri ngoo myang bye:.

DANG: ZHOEM 3:25

Akhyeing" ashoeb bang: da" atho' moo: gi uglid moo" hau, lid lo" yhang: ti"- dalheing: dam nyid dain, tung"- shid: gyoin' ju" lo ziri nang agyug noo".

ESAIA 26:1

Byumyu" yigi Yuda mung" moo he: jikhoin" ri khoin" wa da" bidnyid ju" re" loo wa. Hau: zigi Nyangnu" voomoo" gi geing: da:. Mangsoo nyang: nyang: hau: vang joem ri goem loem byid: da:.

ESAIA 31:5

Ngho' nu" joem ri goem loem byid: wa shid re" ngho' soid dang moo dang: lheing: yen" da" ngho' yhang: ti" ngoo myhang: thang Aseing gi Yerusalem ri goem loem byid: lho: gyi zung" byid: wa» ga: ngoo ri tid da:.

ESAIA 4:5

Hau: thang: Ziun boem yo' houg mo zeing: foem: nyid da" bang: adang moo Aseing gi nyid" gung moo jhoemmoug" phung- myen" ri myikhoug" yo' bang da" myi yam: ri nhang: kaid byid: wa.

ESAIA 52:1

Yerusalem we"- yoem: bo wigi doem gyi: sheung: loo we'. Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'. Tarha" tungbau yigi re" khoem" moo khanham we' ayo" doem vang goo" wa.

ESAIA 52:12

He: lheing: gi nanu" ahain: adoin thu loo" aca" goo" wa. Phang: loid wa asoin' ca" goo" wa. Nanu" Aseing Mangsoo gi nanu" ri shu" vhu" she: wigi shoid khang" moo" khyo" goem loem byid: loo wa.

ESAIA 54:14

Tarha" deingmain" ziyo' jo zigi nang ri yoem: boo nhang: loo wa. Nang gi zeig zo: ziyo' gyoug ci' jang" mo goem loem zi shoug" yu wa.

ESAIA 60:18

Pyi: sho: da" thui: joem ri ashoug" gyoo: loo wa zi anghoid. Phyo' shoin' ziri re" mungdain: ri adoem khyoeb mhoin' pyam' loo wa. Ngoo gi nang ri vang yhang: ti" goem loem ziyo' gyi goo byid: wa. Nang ri ngoo khyoid yu bye: yoomo nang ngoo ri coung" nghei loo wa.

YEREMIA 31:12

Nyangnu" re" wigi Ziun boem tho' moo ngei pyo: jikhoin" khoin" boem wa. Houg: lho: nga" jhungshug joem yoomo gau boem goo" wa. Hau: jhungshug joem gi shivoo- zabyid yhid:- zhainloin: xu: Yang yo' nu: jhungshug joem nghoid da:. Nyangnu" gi gyid goolhoo' za: shoin" da" khyam: yo' du loo goo" wa. Nyangnu" ca" ja: ja: khang" moo" yo" yu loo goo" wa.

YEREMIA 46:13

Egutu mung" ri gyi koid wa shid re" Babelon khokham Nebukhadneza ju" re" uri Aseing gi ngoo ri dang: tid da:. Nyang: gi

YEREMIA 46:2

He: zigi Yuda khokham Yehoiakim khokham koid zi myid: zain ein: zain moo Babelon khokham Nebukhadneza wigi Uphrad gyid lang nam mo Kharakheme joyoo moo gyi khaid oung: pyam da" Egutu khokham Nekho da" gyidab yo' sen lho: nyang: tid da" khyoo: nghoid da:.

EZEKIEL 39:29

Ngoo gi nga" da" Venyi: ri nga" byumyu" Israela yi dang moo foid shoin" khyoo' byid: wigi nyangnu" mo khanham we' alheing: phug loo" loo: wa. Ngoo yoem: moo" bo Aseing tid too" bye:.

AMO 9:15

Ngoo gi nga" da" byumyu" yiri nyangnu" ri byid: to" da" mougmyid tho' moo sho" too" wa. Hau: lho: nyangnu" gi hang" ayo" doem phoin:' pyam boem loo: wa». Nanu" da" Mangsoo Aseing gi tid nyid.

ZEKHARIA 12:4

Hau: bidnyid ri gyivoo joem da" myang: joem dangain" ri ngoo kyug tain' wigi nyangnu" myang: jui: mo, dangain" ri ko" fang: lo" byug nhang: boem wa. Yuda mung" byu yi tho' moo ngoo lhoug zung" wa. Nyangnu" gyivoo yi da" myang: joem rigi myo, zheung: jid lo" byug nhang: wa nghoid.

ZEKHARIA 12:8

Hau: ayo, moo Aseing gi Yerusalem moo nyid mo, ri lhoug zung" lho: wigi nyangnu" khoug: mo yoem: neing: thang loug we' David yhang: ti" yoem: bo loo wa. David da" nya: myid: nya: zoo: yigi nyangnu" rilang" gi Aseing da" lagyoo: yhang: ti" Mangsoo nyang: yhang: ti" David nya: myid: nya: zo: wigi shu" vhu" shi: wa zi nghoid.

ZEKHARIA 14:11

Mung" byu yigi hau: da" akhoug: moo gau: nyu: nyid boem. Thang: phyang" byo, yoin" khyoo: ashoug" loo: wa.

ZEKHARIA 9:7

Nyangnu" gi deung nyid da" byu yi we' Mangsoo seung: wigi Yuda byu yhang: ti" bue" loo wa nghoid. Ekron gi Yebusi yang: ti" bue" loo wa.

ACTS 7:34

Nga" byumyu" yi gi Egu tu mung" moo dayam, dayoo:- yau: khe" jamjau shau" zo: nyid ziri ngoo myang bye. Ngoo gi nyangnu" da" nookyeing" thui: ri shaug" gyoo: bye: yoomo nyangnu" ri khyoid yu wa ein: ngoo ju" re" zi nghoid. Akhid" nyang: nang ri ngoo Egutu mung" khyoo: nhang: kaid' wa ga: tid.

Pang Shug 20:9

Houg: bang: gi mougmyid' goem: sho' yoeb, do, lo wigi Mangsoo byu yi dab, yo' nya: jheddab da" voogung rilheung khoem' to" boem bye.Nghoid loug we' moug: khung: moug: di mo myi: gyoo" lo wigi nyangnu" rire" nghe, jhoem" pyam' bye.