ZEKHARIA 9:1 - Lacid Common Language Bible

¹ He: zigi Aseing da" pang shug da" mungdang: nghoid. Aseing gi Hadrag yo' Damasku ri dang: phyed wa zi myid phyed too" bye:. Israela byumyu" yi za: anghoid. Suri voomoo" ri we' Aseing seung: nyid zi nghoid.

ZEKHARIA 9:1 교차 참조

MALAKHI 1:1

Aseing pang shoug da" mungdang:- Israela byumyu" yiri Malakhi khyo" wigi tid kyo" kaid zi nghoid.

ZEKHARIA 5:4

Yoem: moo" bo da" Aseing gi hau: mougsoug" deing: ri nhang: kaid lang" gi khoug" mo, yugkhang" moo yhoem: yo' nga" myeing ri lang: lho: adeing amain" khyo" jham' tang: mo, yugkhang" moo" yhoem: khyoo: vang lo" lho: nyangnu" da" yhoem: joem ri byo, yoin" loo" nhang: pyam' wa nghoid» ga: tid.

AMO 3:12

Aseing doem tid zigi «Yang zung" su: gi khangkhyi zo: teung da" yang khyid: eig loem anghoid lang" nukhyab daloem: za: doem shau" yu yhang: ti" akhid" uri la ngi: yhoeb koug joem moo leung jo, da" Samari byu yi mo dajhi' za: ashid: te: nyid deung boem loo wa zi nghoid.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

ESAIA 52:10

Aseing gi nya: gyeung" shang: yoem: so' ri ci: wa. Nyang: gi nya: byu yiri khyoid yu wigi Mougmyid byu xangsu: dangain" gi hau: ziri myang boem wa.

ESAIA 13:1

He: zigi Amoz da" yuggi zoo: Esaia gi Mangso jang" mo kham: yu da" Babelon yo' sen: da" mungdang: nghoid da:.

COUNG" NGHEI 145:15

Kang: dei so, shi: bang: dangain" gi nang ri nheig byu nyid zoore dayu" nyid boem zi nghoid yoomo Nyangnu" zoo: noem, ca" nyid da" uri nyangnu" ri: nang gi zoo: noem byid: nyid.

COUNG" NGHEI 25:15

Ngoo gi pang" thoug yu zi shoug" wa shid re" ayo, khang" moo" moo Aseing ri yu" nyid lho: nyang: gi ngoo ri shid: gyoin' mo khyoid yu nyid.

2 KHOKHAM MHOOMYID: 20:12

Nang gi ngoonu" da" Mangsoo nghoid. Nyangnu" ri yooboo dam byid: we'. Ciwim gari ngoonu" ri khaid zain: nyid da" he: gyidab moo" zeing shidkhoin" moo ngoonu" gi asho" ajhen: bue" nyid. Ngoonu" cikoid wa zi asi' loo- nghoid loug nang ri koem' gi ngoonu" ri pang" yu wa shid re" lang" nyid O"» ga: akyu" mho' da:.

APOEM AYANG: 14:15

Houg moo: nyang: gi nya: byu yiri byu phung: kho' lho: gyivoo yiri damyen goin" zain: lho: nyangnu" ri oung: pyam. Nyang: gi nyangnu" ri Damasku da" mougzhung: shoid mo Hoba voo moo ju" sho' cang khaid lho:

AMO 1:9

Aseing tid zigi «Turu mung" byu yigi pug lho: pug lho: yooboo ri dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi mung" byu yi dangain" ri Edom mung" khyoo: pyoung" she: lo" ago". Houg: lho: nyangnu" koid to" da" myid veung" thang" cab ri we' acang nghoid ago".

NAHUM 1:1

He: zigi Elkosha byu Nahum khyo" Nineve da" khyoo: myang da" yoeb myang mungdang: daloem: nghoid.

YEREMIA 32:19

Nang gi phajhi" bo da" soin nyheing khyoo: joem ri koid wigi gyi: sheung: da" moo" joem ri koid da:. Nang gi byu yi zei: da" ja: khang" moo" ri myang wigi nang gi nyangnu" lo, moo" joem ri cang wigi nyangnu" ri aphoug" jhungshug byid: da:.

ZEKHARIA 4:10

He: moo" zoo" zei: shid" lo" ayo, moo azhei' kyeung" da" moo" ga: kyi: yang myeung nyid da" byu yigi akhid" Zerubabela lo, moo ci: da" khung: phoug lug ri myang uri ngei pyo: goug yi boem wa. «Hau: myikug ki" jang: nyhed loem: gi Aseing da" myojid" nyhed loem: ri tid zi nghoid. He: myojid" gi moug: gyab goin" jang" mo jo, moo jo, dangain" ri yu" myang zi nghoid»