ZEKHARIA 8:8 - Lacid Common Language Bible

⁸ Ngoo gi nyangnu" ri Yerusalem moo nyid nhang: wa shid re" bid thu bidvang khyo" wigi doem shu" tau" loo wa nghoid. Nyangnu" gi nga" byu yi bue" loo wa wigi ngoo we' nyangnu" ri deungmain" nyeung veung" ngheig loem: khyo" - vhoebkhang" nyid wa da" Mangsoo bue" loo wa zi nghoid.

ZEKHARIA 8:8 교차 참조

APOEM AYANG: 17:8

Akhid" nang being" voo khyo" re" nyid nyid da" he: moug: ri ngoo gi nang yo' re" amyed ashen yiri byid: wa nghoid. Khanan damung" goin" ri re" amyed ashen yi apyaid atoo: seing: nyid wa nghoid lho: ngoo we' nyangnu" da" Mangsoo bue" nyid wa bye:».

YEREMIA 11:4

Hau: zigi nyangnu" da" phoug" phyid" yiri nyangnu" shid re" khyoem' moo" myi: yo' du da" Egutu mo ngoo shoug" thu lo da" uri nyangnu" yo' to" da" dang: theing nghoid. Ngoo gi ngoo ri tam" gyo: cang lo wigi ngoo amyeing" byid: to" da" ja: khang" moo" ri cang wa shid re" nyangnu" ri tid too" bye:. Nyangnu" ngoo ri tam" gyo: cang lo boem nghoid rigi nyangnu" gi nga" da" byumyu" yi bue" wigi ngoo gi nyangnu" da" Mangsoo bue" loo wa ein: nyangnu" ri ngoo tid bye:.

YEREMIA 23:8

Hau: gungthid nyangnu" gi Israela byumyu" yiri mougzhung: shoid mungdain: yo' ngo wigi nyangnu" ri nyhid: sain" to" da" mungdain: gootu: dangain" mo shu" thu loo su: kangso' dei da" Mangsoo khyo" ngoo ri jham' tang: loo goo" wa. Houg: lang" nyangnu" gi nyangnu" mungdain: moo yo" nyid loo goo" wa» ga: tid da:.

YEREMIA 24:7

Ngoo gi nyangnu" ri ngoo Aseing nghoid ziri si' wa vho: ngei myid kaid byid: wa. Houg: lang" nyangnu" gi nga" byumyu" yi nghoid loo wa wigi ngoo gi nyangnu" da" Mangsoo nghoid loo wa. Ciwim gari nyangnu" nheigloem: dangain" yo' nga" jhang tau" lo boem goo" wa.

YEREMIA 31:1

Aseing tid zigi «Ngoo gi Israela byumyu" kung: joem dangain" da" Mangsoo bue" lo wigi nyangnu" gi nga" byumyu" bue" loo goo" wa da" ayo, ju" lo nyid da:.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

YEREMIA 32:41

Nyangnu" shid re" gi koid jang" moo ngoo pyoo: wa. He: mungdain: moo ngoo nyangnu" ri abei: abyo, de: nyid nhang: wa.

YEREMIA 4:2

Nanu" gi nga" da" myeing lang: wigi jham' tang: zigi jo boem wa. Houg: lang" byumyu" dangain" bang: gi nyangnu" ri mainkaid byid: wa shid re" ngoo ri tid loo goo" wa. Houg: lho: nyangnu" gi ngoo ri coung" loo goo" wa» ga: tid da:.

EZEKIEL 11:20

Houg: lang" nyangnu" gi nga" da" tarha" joem ri cang wigi nga" amyeing" dang: dangain" ri jhug zug tung" tam" gyoo: cang yhe: loo goo" wa. Nyangnu" gi nga" byumyu" nghoid wigi ngoo gi nyangnu" Mangsoo nghoid wa.

EZEKIEL 36:28

Hau: thang: nanu" gi nanu" da" phoug" phyid" ri ngoo byid: to" da" mougmyid moo nyid lo boem goo" wa. Nanu" gi nga" byumyu" nghoid wigi ngoo gi nanu" da" Mangsoo nghoid wa.

EZEKIEL 36:33

Yoem" moo" bo Aseing tid zigi «Ngoo gi nanu" ri nanu" da" yooboo dangain" mo bain younglho' yu lang" ngoo gi nanu" ri nanu" da" voomoo" joem moo doem nyid nhang: lho: byo, yoin" jo, ziri nanu" ri doem zhug nhang: wa.

EZEKIEL 37:25

Nyangnu" gi nga" da" dei zoo: Yaku ri ngoo byid: to" da" mougmyid- nyangnu" da" phoug" phyid" yi nyid lid: lo da" mougmyid tho' moo nyid lo boem goo" wa. Nyangnu" gi houg: moo apyaid atoo: nyid lo boem goo' wa. Nyangnu" da" zooshang: yi yo' amyed ashen yi dangain" we' hougsu" koid loo goo" wa. Nga" dei zoo: David yhang: ti" da" khokham dayug gi nyangnu" da" atho' moo apyaid atoo: vhoeb nyid wa.

EZEKIEL 37:27

Ngoo gi houg moo nyangnu" yo' dage" nyid wa. Ngoo gi nyangnu" da" Mangsoo nghoid wa wigi nyangnu" gi nga" byumyu" yi nghoid wa.

HOSEA 11:11

Nyangnu" gi Egutu mung" mo ngho' joem yhang: ti" yo' Asuri mung" mo pheing" kyoug" joem yhang: ti" dang: loo goo" wa. Ngoo gi nyangnu" ri nyangnu" yhoem: khyoo: doem shu" loo" wa. Ngoo Aseing tid too" bye:» ga: tid.

YOELA 3:20

Ngoo gi said pyam shau" da" byumyu" yi shid re" latoo: phug wa zi nghoid. Ngoo gi yooboo yoo" mo, ri teung too" wa zi anghoid. Nghoid loug we' Yuda yo' Yerusalem gi apyaid atoo: moo geing: teing jo, wa. Ngoo Aseing gi Ziun boem tho' moo: danyid nyid wa nghoid.

XOIN" NGEI" 26:12

Ngoo gi nanu" yo' dage" nghoid nyid wa. Ngoo gi nanu" da" Mangsoo nghoid wa. Houg: lho: nanu" gi nga" byumyu" yi bui" loo: goo" wa.

ZEKHARIA 10:10

Ngoo gi Egutu yo' Asuri mo nyangnu" ri yhoem: khyoo: shu" yu wa. Hau: lho: nyangnu" ri nyangnu" da" moug: moo doem nyhed: too" wa. Gilead yo' Lebanon moo we' nyangnu" ri doem nyhed: too" wa. Damung" goin" jang" moo nga" byu yi za: byeung" loo wa.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

Pang Shug 21:3

Hau: lho: wigi zhung: tang mo thui: zeing dakhoin" tid thu' lo da" zigi Yu" ge" - noku yhoem: gi xangsu: byu yi yo' dage" nghoid bye- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid.

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.