ZEKHARIA 8:3 - Lacid Common Language Bible

³ Ngoo gi nga" younglho' voomoo" khyoo: doem tau" lo lho: houg: moo nyid nyid wa zi nghoid. Hau: voomoo" gi dang: zung" voo yo' yoem: moo" bo Aseing da" bouggung gi gyeung" shang: da" bouggung ga: myheing byid: zi shoug" wa nghoid.

ZEKHARIA 8:3 교차 참조

COUNG" NGHEI 2:6

Nyang: gi «nga" gyeung" shang: Ziun boem tho moo nga" khokham phoo ri myonhoo: ngilang: ngoo ab byid: bye:› ga: tid» ga: tid nyid.

COUNG" NGHEI 48:1

Aseing gi gyi: sheung:- myhang: thang su: nghoid khyoo: ri: nya: gyeung" shang: da" boem tho' moo: jo, da- ngoonu" Mangso da" voogung moo coung" nghei nyid ge'.

THU' LO" MOUGSOUG" 29:45

Israela byumyu" yi da" akhoug: moo ngoo nyid wa zi nghoid wigi ngoo gi nyangnu" Mangsoo nghoid wa.

ESAIA 1:21

Shid phyang" jhug zug lo da" voomoo" gi shava myhi' yhang: ti" koid nyid wa. Shid phyang" dalheing: gi hau: voomoo" moo deingmain" bang: byeung" sho' nyid lid: lo nghoid loug we' akhid" gi byu said bang: kyeing" nyid deing jo, ago".

ESAIA 1:26

Goonham' nang lhoung yo" yu" da" bang: yhang: te" da" vhoebkhang" bang: yo' phajhi" byid: bang: ri nang ri ngoo byid: wa. Houg: lang" Yerusalem gi deungmain" jhug zug da" voomoo" ga: myheing zi shoug" wa» ga: tid da:.

ESAIA 11:9

Mangso da" gyeung" shang: bouggung- Ziun boem moo: Yau: khi" bui" nhang: ziyo' akhyeing" zi ci: we' abui" wa. Panglai: moo gyid byeung" jo ziyo dayhang: ti" Aseing da" lasi phajhi" gi mougmyid goin" moo byeung" jo, wa.

ESAIA 12:6

Ziun boem moo nyid da" byu yugkhang" moo" nyho: wigi jikhoin" khoin" we'. Israela da" gyeung" shang: da" Mangsoo gi gyi: sheung: da" su: nghoid da:. Houg: lho: nyang: gi nya: byumyu" yi agyoo: moo nyid da» ga: jikhoin" khoin" wa.

ESAIA 32:16

Mungdain: khyi khang" moo" moo deingmain" ziyo tarha" deingmain" zi bue" jo, wa.

ESAIA 60:14

Nanu" ri zeig zoo: boem bang: da" amyed ashen yigi nanu" jhang re" lho: Nyangnu" da" phau" myang: khyoo: ri ci: shug wa shid re" goeb pid loo goo" wa. Goonham' nanu" ri aphoug" akhyoid koid bang: dangain" nanu" khyid: yang: moo noku loo goo" wa. Nyangnu" gi nang ri ‹Aseing da" voomoo"› ‹Israela da" gyeung" shang: Mangso da" voomoo"- Ziun› ga: myheing loo goo" wa.

ESAIA 65:25

Zeig ni joem yo' yang nu" joem dage" voem: shoo: zoo: loo wa. Nu: joem yhang: ti" khangkhyi joem gi khoofoo: zo: loo goo" wa. Lhangmyu joem ri agyug noo" loo: wa. Lhangmyu joem da" zoo: noem gi myidzhoo" nghoid wa. Nga" da" gyeung" shang: da" boem gung Ziun: moo gyoug pho" dam tab khyoo: yo' akhyeing" ashoeb khyoo: ci: we' ajo, loo wa» ga: tid da:.

ESAIA 66:20

Nyangnu" gi nanu" da" mang: nhung" dangain" ri nga" shid re" jhungshug khyo" byumyu" yi jang" mo shu" tau" lo boem wa. Israela byumyu" yi Noku Yhoem: Moo" khyoo: thung" khyoo" younglho' da" bain moo shivoo: xoin" joem ri tho' re" boem zi yo' dakhyoo" ti" nyangnu" ri myang: joem loo kung" joem gola-ug joem myang: rheing" joem yo' zi tho' rheing" joem dang moo tho wigi Yerusalem mo nga" gyeung" shang: bouggung khyoo: nyangnu" shu" lo boem goo" wa.

ESAIA 8:18

Ngoo gi Aseing wigi byid: to" da" zooshang: yi' yo' dage" nghoid. Ziun boem mo zhungtang moo zhung: da" myhang: thang Aseing gi Israela byu yi shid re" dei nyid da" mungdang: khyo" ngoonu" ri nhang: to" abye:.

YEREMIA 14:9

Nang gi ciwim nyeigdain tung" shu" yu shoug" su: yhang: ti" pang" yu wa yoem: abo da" gyizoo: yhang: ti" bue" nyid la". Aseing we" gyeing" nyang: nang gi ngoonu" yo' dage" nyid da:. Ngoonu" gi re" byumyu" yi nghoid. Ngoonu" ri ashe: pyam too" khoo'› ga: nyho: yoid da:.

YEREMIA 26:18

«Hezekia Yuda khokham koid nyid uri Moreshed mo lapi: Mikha gi Myhang: thang Aseing tid da" khyoo: ri byumyu" yiri tid kyo". Hau: zigi ‹Ziun gi yoothung" yhang: ti" phug se: pyam zi shoug" wa. Yerusalem gi byo, yoin" jo, boem wa Houg: lho: Noku Yhoem: Moo" gi seig moo" yoo bue" byug wa› ga: tid.

YEREMIA 31:23

Israela da" Mangsoo myhang: thang Aseing tid zigi «Byumyu" yiri nyangnu" mougmyid ri doem soin' byid: lang" nyangnu" gi Yuda mung" yo' hau: da" voogung joem moo ‹Aseing gi nyang: nyid da" gyeung" shang: joyoo Yerusalem da" younglho' bouggung ri mainkaid byid: baja" ga: dalheing: doem tid loo goo" wa.

YEREMIA 33:16

Yuda byu yi yo' Yerusalem byu yigi khyoid yu zi shau" wigi goem loem tung" za: shoug" nyid loo goo" wa. Voogung ri «Ngoonu" ri khyoid yu da" Aseing» ga: myheing loo goo" wa.

EZEKIEL 48:35

voomoo" vang myid: shoid goin" da" sheing: phyang" gi 30240 pe: bo da:. Voomoo" da" myeing ri akhid" mo thang: phyang" «Aseing gi hid: moo nyid» ga: myheing loo wa.

DANIELA 9:16

Nang gi lid loo bye: da" ayo, moo ngoonu" ri goem loem byid: loo bye:. Houg: yoomo Yerusalem ri nheig ayoo: loo: hau: zigi re" voomoo" nghoid da:. Re" da" younglho' bouggung nghoid da:. Ngoonu" da" yooboo joem yoomo yo' ngoonu" phoug" phyid" bang: koid lid lo da" akhyeing" ashoeb moo" zoo" joem yoomo aqei: ayam mo mungdain: byumyu" yi wigi Yerusalem ri yu" jhung" yu" nge pyam ago".

YOELA 3:17

Hau: thang: Israela byu yi nanu" gi ngoo nanu" Aseing Mangsoo nghoid ziri se' loo goo" wa. Ngoo gi nga" da" gyeung" shang: bouggung Ziun moo nyid. Yerusalem gi gyeung" shang: da" voomoo" bue" lo lho: tungbau byumyu" yigi hau: ziri ayo" doem zain: oung: boem loo: wa.

MIKHA 4:1

Lo" thang da" bidnyid ayo, moo gi Noku Yhoem: Moo" jo, da" boem gi bouggung dangain" atho' moo myhang: thang boem nghoid wa byumyu" yi myoo" sho' bang: gi houg: khyoo: lo" boem wa zi nghoid.

ZEPHANI 3:13

Deung nyid da" Israela byumyu" yigi age da" akhyeing" ashoeb khyoo: ri akoid boem loo: za: mhoug" we' amhoug boem loo:- eig phug eig shoid we' akoid boem loo:. Nyangnu" gi nyid gi yab ge lho: gau: nyu: goem loem nyid boem wigi hang" ri we' gyoug anoo" boem loo.

ZEKHARIA 1:16

Houg: yoomo ngoo gi nheig khyeug ziyo' Yerusalem shoid khyoo: doem phug loo bye:. Nga" yhoem: gi houg: moo zhug shi" wa zi nghoid. Yerusalem voomoo" ri we' nyheung koid shi" wa» ga: tid.

ZEKHARIA 12:6

«Hau: ayo, moo ngoo gi Yuda kung: mo vhujhung: yi rigi siyoo moo nge" joem: lo" da" myi: yhang: ti" shivoo myeung jo, da" gug yoo mo myi: yo' dakhyoo" ti" bui" nhang: wa. Nyangnu" da" ayam aqei mo da" mungdain: dangain" ri phyo' shoin' pyam' boem wa. Yerusalem voomoo" bang: gi myen myenjham" jham" hau: vookhoug: moo goem loem za: shau" nyid boem wa zi nghoid.

ZEKHARIA 14:10

Mougzhung: shoid mo Geba moug: mo wigi mougpyi: shoid Rimon joyoo ju" sho' damung" goin" pa: dam bue" loo wa zi nghoid. Yerusalem gi ayam aqei: moo jo, da" mungdain: dangain" tho' moo je" myhang: da" myid byu jang: bue" loo wa zi nghoid. Hau: da" vang gi Benyamin khoem" duang: mo zi xang: shi" mo vang nghoid da" vang jhoin: mo khoem" duang: moo ju" loo" sho' Hanaela gyipyu zung mo wigi khokham yi da" zabyid pyeig jang: moo ju" sho' gyi: sheung: loo" wa zi nghoid.

ZEKHARIA 8:16

Nanu" koid wa zigi hidsu" nghoid. Nanu" nyang: cang" deingmain" da" dang: ri tid go" nyid we'. Nanu" da" tarha" yung" moo: we' deingmain" khyo" dang: ri phyed byid: we'. Hau: zigi myenjham" khyoo: ri bue" loo nhang: wa zi nghoid nyid.

ZEKHARIA 8:19

«Lhammoo" myid: khyab wim: khyab nyhed khyab yo' xi: khyab ein: wa lhoo' khyab joem moo zoo: noem zeing: ayo, moo: gi Yuda byu yi shid re" gau yi ziyo' ngei pyo: da" pui" bidnyid bue" loo wa zi nghoid. Houg: yoomo nanu" gi deingmain" ziyo' myenjham" khyoo: ri vho: ngei ca"» ga: tid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 14:23

Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

2~KORINTHU 6:16

Mangsoo da" noku yhoem: gi goug ngu shoolhoo joem yo' khasu" koid lho" e" myed se' zhung" goo" wa lha"., Khasu" wim gari ngoonu" gi dadei nyid da" Mangso noku yhoem: moo" joem nghoid nyid boem. Mangsoo nyang: tid zigi-Ngoo gi nga" byumyu" yi moo nga" yhoem: koid wigi nyangnu" moo bo nyid wa zi nghoid. Ngoo gi nyangnu" da" Mangsoo bue" nyid a zi nghoid wigi nyangnu" gi nga" byumyu" yi bue" lo boem wa nghoid- ga: wigi tid nyid.

KOLOSE 2:9

Mangso da" joeb byeung" layung gung gi-xangsu: gung du: nghoid da" Khristu moo bo jo.

Pang Shug 21:10

Houg: lang" nyang: ngoori- gye" myhang: da" boem, phyoo" khyoo: venyi khyo" shu" do, lo" lho: Mangso myonhoo: phung" yoeb, doug bang ziyo' moug: khung: moug: di Mangso shid' khoin" mo ju" gyoo" lo da" gyeungshang: voogung Yerusalem aseig ngoori toin" shid.s

Pang Shug 21:27

Nghoid loug we' anyhoin: athoung" khyoo:- asho' ashid: da" moo" zei: mo, mhoug zoo: fain" zoo: bang: hang" we' hau: voogung khyoo: khanham we' yo" vang loo" goo" wa zi anghoid. Yang nu" da" kang: so' mougsoug" pug moo myeing boo mo, za: date: yo" vang loo" wa nghoid.

Pang Shug 21:3

Hau: lho: wigi zhung: tang mo thui: zeing dakhoin" tid thu' lo da" zigi Yu" ge" - noku yhoem: gi xangsu: byu yi yo' dage" nghoid bye- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid.